У Мінгарвыканкаме расказалі, колькі датацый выдзяляюць на грамадскі транспарт
Штогод з бюджэту Мінска на падтрымку грамадскага транспарту выдаюць каля 500 мільёнаў рублёў. Пра гэта паведаміў старшыня Мінгарвыканкама Уладзімір Кухараў у эфіры тэлеканала «Першы інфармацыйны».
Паводле слоў чыноўніка, пасажыры аплачваюць толькі частку рэальнага кошту праезду. Фактычны кошт паездкі ў грамадскім транспарце сталіцы прыкладна ўдвая вышэйшы за тую суму, якую плацяць пасажыры.
Кухараў таксама адзначыў, што частка падатковых паступленняў Мінска пераразмяркоўваецца паміж рэгіёнамі краіны. Ён назваў гэта даўняй практыкай і заявіў, што жыхары іншых рэгіёнаў таксама павінны мець доступ да сацыяльных выгод.
Прыкладна палова бюджэту сталіцы ўнутры горада накіроўваецца на сацыяльную сферу. Гэтыя сродкі выкарыстоўваюцца, на ахову здароўя, адукацыю, культуру і спорт.
Асновай эканомікі Мінска, паводле Кухарава, застаецца прамысловасць. Пры гэтым на долю сталіцы прыпадае амаль 32% ВУП Беларусі.
Раней старшыня Мінгарвыканкама дакладваў Аляксандру Лукашэнку пра эканамічнае развіццё сталіцы, транспартную інфраструктуру, будаўніцтва і ўпарадкаванне горада.
У Мінску аднавілі ўстаноўку электронных табло з раскладам на прыпынках, але з агаворкамі
«Мінсктранс» зняпраўдзіў чуткі пра адмову ад білетаў у грамадскім транспарце з 1 верасня
У Беларусі распрацавалі нейрасетку, якая дапамагае складаць расклад гарадскога транспарту
У Мінску карэктуюць сетку гарадскога грамадскага транспарту
Цяпер чытаюць
26‑гадовага супрацоўніка элітнага падраздзялення мытні асудзілі на 16 гадоў па наборы палітартыкулаў. Сярод іх і «здрада дзяржаве»4
Каментары