Свет22

Літва будзе правяраць усё транзітнае збожжа, якое ідзе з Беларусі і Расіі

Літва будзе правяраць паходжанне ўсяго транзітнага збожжа, якое паступае з Расіі і Беларусі. Такое рашэнне прыняў міністр сельскай гаспадаркі Літвы Кястуціс Мажэйка, каб не дапусціць выкарыстання літоўскай транспартнай інфраструктуры для перавозкі збожжа, якое можа быць скрадзенае на акупаваных тэрыторыях Украіны.

Здымак ілюстрацыйны. Фота: magnific.com

Мажэйка звярнуўся ў Дзяржаўную харчова-ветэрынарную службу з даручэннем неадкладна пачаць праверку паходжання ўсіх партый збожжа з Расіі і Беларусі. Праверка павінна тычыцца як фуражнага, так і харчовага збожжа, незалежна ад яго прызначэння.

Паводле слоў міністра, адзіная сістэма кантролю неабходная для таго, каб Літва магла своечасова выяўляць падазроныя грузы і не дапускаць транзіту ўкраінскага збожжа, якое магло быць незаконна вывезена з акупаваных тэрыторый.

З мая мінулага года Літва разам з Украінай і Вялікабрытаніяй выкарыстоўвае спецыяльную схему праверкі збожжа. У яе рамках фуражнае збожжа, якое захоўваецца на мытных складах, праходзіць абавязковыя лабараторныя даследаванні.

Аднак літоўскія ўлады заўважылі, што маршруты і спосабы афармлення некаторых грузаў змяняюцца. Частка збожжа можа перавозіцца паводле спрошчанай працэдуры прамога транзіту або афармляцца як харчовае, што дазваляе пазбегнуць праверак.

Таму міністр заклікаў узмацніць супрацоўніцтва паміж Дзяржаўнай харчова-ветэрынарнай службай і Мытным дэпартаментам. Інфармацыя пра транзітныя грузы павінна паступаць службам своечасова, каб яны маглі вызначаць патэнцыйна рызыкоўныя партыі і правяраць іх яшчэ да таго, як яны пакінуць тэрыторыю Літвы.

Напярэдадні літоўская служба ўжо ўзяла ў порце ўзоры адной з партый збожжа. Ёсць падазрэнні, што яно паходзіць не з Расіі, як пазначана ў дакументах, а з Украіны, і магло быць незаконна вывезена з акупаванай тэрыторыі, пасля чаго дастаўлена праз Калінінград.

Узоры збожжа ўзялі з мытнага склада ў Клайпедзе і адправілі для даследавання ў лабараторыю ў Францыі. Вызначэнне краіны паходжання можа заняць ад двух да трох тыдняў.

Раней Кястуціс Мажэйка заяўляў, што Расія можа паспрабаваць вывозіць украінскае збожжа праз парты Латвіі і Літвы. Таму літоўскія ўлады цяпер хочуць узмацніць кантроль за ўсімі такімі транзітнымі пастаўкамі.

Каментары2

  • Алёшка
    07.09.2026
    беларусу на беларускай машыне у Вільню на закупы з'ездзіць нельга, бо ён саудзельнік агрэсіі, пагроза бяспецы і г.д., а расейскае зерне транспартаваць праз порты можна, гэта проста бізнес
  • О как!
    07.09.2026
    Летува прадастаўляе сваю тэрыторыю дзяржаве-агрэсару - Расеі - для перавозкі збожжа?
    Ды яшчэ скрадзенага ў ўкраінцаў?
    Отэта паварот!

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

12‑гадовая дачка бізнэсмена Зінгмана перамагла ў расійскім аналагу дзіцячага «Еўрабачання»24

У лесе на мяжы Беларусі з Латвіяй знік кеніец. Яго шукаюць сваякі3

У Атлантычным акіяне імкліва разрастаецца гіганцкі пояс водарасцяў1

Правялі лёсаванне чвэрцьфіналаў футбольнай Лігі нацый3

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць