Усяго патроху44

У Берліне загадкава знікаюць вераб'і. Навукоўцы не ведаюць чаму

У Берліне за некалькі гадоў стала прыкладна на 70% менш вераб'ёў. Іх знікненне здзіўляе навукоўцаў.

Дамавыя вераб'і. Фота: Surachet Shotivaranon / Vecteezy

Дамавы верабей (Passer domesticus) стагоддзямі жыве побач з чалавекам і добра прыстасаваўся да жыцця ў гарадах. Калісьці асабліва шмат корму яму давалі коні: збожжа заставалася ў стайнях і трапляла на вуліцы разам з конскім гноем.

Калі ў пачатку XX стагоддзя коней пачалі масава замяняць аўтамабілі, вераб'і страцілі багатую крыніцу корму, і іх колькасць пачала скарачацца. Нейкі час здавалася, што папуляцыя стабілізавалася на больш нізкім узроўні.

Аднак у апошнія дзесяцігоддзі ў гарадах Заходняй Еўропы колькасць гэтых птушак зноў стала скарачацца. Сярод магчымых прычын называюць сучасную забудову, праз якую становіцца менш прыдатных месцаў для гнездавання, забруджванне навакольнага асяроддзя, рост колькасці драпежнікаў, у тым ліку катоў, і маштабнае скарачэнне колькасці насякомых.

Берлін, аднак, доўгі час заставаўся выключэннем. Яго нават называлі «вераб'інай сталіцай» Германіі. Аднак за апошнія пяць гадоў горад страціў значную частку сваіх вераб'ёў. Паводле ацэнак спецыялістаў, іх колькасць скарацілася прыкладна на 70% у параўнанні з 2021 годам, калі ў горадзе налічвалася каля 190 тысяч гнездавых пар.

«Такое ўражанне, быццам яны проста растварыліся ў паветры», — кажуць у Нямецкім саюзе аховы прыроды NABU.

Чаму знікаюць вераб'і, разбіралася выданне Tagesspiegel.

Чаму менавіта Берлін?

Берлін лічыўся асабліва спрыяльным для гэтых птушак, бо ён, паводле спецыялістаў, «менш стэрыльны» за многія іншыя нямецкія мегаполісы. Зялёныя зоны тут параўнальна рэдка косяць, а на вуліцах хапае харчовых адкідаў. Тое, што можа раздражняць людзей, для вераб'ёў аказваецца перавагай.

Пры гэтым умовы за апошнія гады істотна не змяніліся. Калі б галоўнай праблемай быў недахоп корму, падобнае скарачэнне назіралася б і сярод іншых пеўчых птушак. Але нічога супастаўнага даследчыкі не бачаць.

Не тлумачыць маштаб падзення і недахоп месцаў для гнездавання. Многія прыдатныя для гэтага нішы ў Берліне цяпер проста пустуюць.

Рэзкае знікненне вераб'ёў прымусіла спецыялістаў шукаць прычыну сярод хвароб. У прыватнасці, яны звярнулі ўвагу на птушыную малярыю, якую выклікаюць аднаклетачныя паразіты плазмодыі. Пераносяць іх камары.

Пры больш высокіх тэмпературах і ўзбуджальнікі, і іх пераносчыкі хутчэй развіваюцца і лепш распаўсюджваюцца. Таму змяненне клімату можа павялічваць рызыку такіх інфекцый.

Падставы для такой гіпотэзы ёсць. У 2019 годзе даследаванне вераб'ёў у Лондане выявіла сувязь паміж заражэннем плазмодыямі і смяротнасцю птушак. Паразіты не абавязкова забіваюць іх непасрэдна, але аслабляюць арганізм.

Для Берліна падобнага даследавання пакуль няма. Таму птушыная малярыя застаецца толькі адной з магчымых прычын, а загадка рэзкага знікнення вераб'ёў пакуль не разгаданая.

Каментары4

  • %
    17.09.2026
    Хунвейбінцы таемна па начах палююць?
  • Жвір
    17.09.2026
    Кажуць, што пасьля чарнобыльскай катастрофы тое самае было й у Менску. Немцам трэба б шчыльна правяраць якасьць паветра, грунту, наяўнасьць выпраменьваньняў частотамі ўсіх дыяпазонаў ды іх паходжаньне.
  • Питон
    17.09.2026
    Жвір, и как сильно пострадал несчастный Менск от аварии на ЧАЭС?

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Усе навіны →
Усе навіны

«Купалаўцы» прэзентавалі сваю версію «Адысеі» — там міфалагічныя выпрабаванні суіснуюць са штодзённымі цяжкасцямі беларусаў1

Сі Дзіньпін заклікаў цалкам забараніць і знішчыць ядзерную зброю18

«Божа, барані нас ад такіх сяброў». Туск адрэагаваў на сустрэчу Трампа з Пуціным1

«Гэта не пра наш менталітэт». Лукашэнка заявіў, што суддзі не могуць адгарадзіцца ад народа сцяной закона3

Як унучка Лукашэнкі з мужам і сынам адпачылі ў Дубаі10

Трамп, Пуцін і Сі пачалі трохбаковую сустрэчу ў Шэньджэні

У Пецярбургу беларуска цяжка параніла нажом сужыцеля. Яе хацелі пасадзіць на тры гады, але абышлося5

Стэндап-комік Элдос Алмазаў памёр ва ўзросце 29 гадоў

У Бразіліі людзі з ізаляванай групы выйшлі з лесу і папрасілі ежы. Гэта трывожны знак ВІДЭА8

больш чытаных навін
больш лайканых навін

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць21

«Будуць сядзець. Нават калі ў пяць, дзесяць разоў больш будзе». Лукашэнка не збіраецца спыняць рэпрэсіі, хоць Коўл і просіць

Галоўнае
Усе навіны →

Заўвага:

 

 

 

 

Закрыць Паведаміць