Пра падрыхтоўку новага ўказа, які будзе рэгуляваць працу Парку высокіх тэхналогій, паведаміла начальніца сакратарыята Назіральнай рады ПВТ Ганна Рабава. Па яе словах, праект дакумента цяпер праходзіць апрабацыю ў дзяржаўных органах.
Паводле слоў Ганны Рабавай, умовы для працы ў сферы высокіх тэхналогій нельга лічыць нязменнымі, паколькі іншыя краіны таксама пастаянна ўдасканальваюць свае ўмовы і ствараюць больш ільготныя рэжымы, каб завабіць бізнэс і перахапіць рынкі ды аўдыторыю. Таму Беларусь таксама вымушаная адаптаваць свае інстытуцыйныя патрабаванні.
Рабова паведаміла, што цяпер рыхтуецца да прыняцця так званы ўказ «ПВТ 3.0». Пасля заканчэння апрабацыі ў дзяржаўных органах новыя нормы плануюць прадставіць грамадскасці.
17 верасня якраз адбылося пасяджэнне Назіральнай рады Парку высокіх тэхналогій, якое правёў прэм’ер-міністр Беларусі Аляксандр Турчын. На пасяджэнні разгледзелі пытанні рэгістрацыі новых рэзідэнтаў ПВТ і зацвярджэння бізнэс-праектаў. Акрамя таго, абмяркоўвалася ўключэнне новага віду дзейнасці з выкарыстаннем адытыўных тэхналогій, а таксама пытанні крыптасферы.
Па словах Ганны Рабавай, на пасяджэнні разглядаюцца заяўкі больш чым 30 кампаній. Толькі невялікая іх частка працуе па заказной мадэлі, а астатнія выкарыстоўваюць прадуктовую або змешаную мадэль.
Цяпер чытаюць
Брат беларускай каралевы прыгажосці трапіў у рэанімацыю ў Азербайджане1
Каментары