Кіраўнік Бундэсвера заклікаў рыхтаваць да абароны ўсё нямецкае грамадства
Генеральны інспектар Бундэсвера Карстэн Броер заявіў, што Германія павінна прыцягваць да абароны не толькі армію, але і прамысловасць і грамадства ў цэлым.
Выступаючы на форуме IISS Prague Defence Summit, ён падкрэсліў, што адных вайсковых і новых тэхналогій недастаткова для процідзеяння сучасным пагрозам, піша Bild.
Па словах Броера, ваенныя стратэгіі хутка састарваюцца з-за тэмпаў развіцця тэхналогій, а Германіі неабходна больш уважліва вывучаць вопыт Украіны.
«Расія вучыцца. Яны капіююць і адаптуюцца. Яны ўкараняюць інавацыі, накіраваныя супраць нашых моцных бакоў і ў абыход іх. Тэхналогіі не павінны вызначаць, што мы робім. Мы павінны вызначаць, што мы робім з тэхналогіямі», — заявіў генерал.
Броер таксама заявіў, што гібрыдным пагрозам немагчыма супрацьстаяць сіламі адной арміі.
«Без вас мы, салдаты, асуджаныя на правал. Але правал — не варыянт. Таму што ён азначаў бы смяротную пагрозу нашым таварыствам у тым выглядзе, у якім мы іх ведаем. Мы ўсе ў адной лодцы», — сказаў ён.
Каментары
Супраць амаль 10% насельніцтва толькі 1.5% службоўцаў-мусульманаў.
Самі імпартавалі патэнцыяльную базу для тэрору і грамадзянскай вайны, а цяпер толькі камсамольскія прамовы з тэлевізара.