Пюрэ, мяса па-французску і вішня ў двары. Арына Сабаленка паказала сямейнае застолле ў бабулі ў Беларусі
Падчас ліпеньскага візіту тагачаснай першай ракеткі свету Арыны Сабаленкі ў родны Мінск тэнісістка пазнаёміла свайго жаніха Георгіоса Франгуліса са сваімі бабулямі, а тыя са свайго боку зладзілі душэўнае застолле. «Часам трэба вярнуцца дадому і падыхаць родным паветрам», — сказала Арына ў 10‑хвілінным фільме пра візіт у Мінск, які выйшаў на яе youtube-канале, піша «Комсомольская правда».
Яшчэ ў самалёце, па дарозе ў Мінск, Арына прадчувала:
«Мы паедзем на вячэру да маёй бабулі, і яна прыгатуе найлепшыя стравы. Салацікі, мяса па-французску, курачку… А самае маё любімае: нацёрты часнаком падсмажаны хлеб з сырам і памідорам. Яшчэ ўсе саленні пакаштуем».
Усё так і было, толькі ўсялякіх прысмакаў было на стале больш, чым магла ўявіць Арына. Мяса па-французску таксама было. Калі Георгіас пацікаўся гэтай стравай, Арына яму падрабязна патлумачыла, як яе гатуюць.
Але гэта будзе пазней, а на падыходзе да дома бабулі ўнучка з жаніхом затрымаліся каля вішні. Арына паказала Георгіасу, што ягаду можна есці проста з дрэва. Нават можна яе падкідаць і лавіць ротам. Арына так рабіла, калі ў дзяцінстве вярталася з трэніроўкі. Вось такое вітанне з дзяцінства.
Адна з бабуль Арыны жыве ў пасёлку Прывольны, што ў прадмесці Мінска. Падчас сустрэчы Арына расказала, што жыла з бабуляй Людмілай з 14 да 18 гадоў:
«Яна засталася адна, і мне падалося, што ёй невымоўна адзінока. Я захацела застацца з ёй, у нас вельмі блізкія адносіны, яна мне як другая мама».
Тут жа была і бабуля Тамара.
«Привет, бабушка!» — сказаў Георгіас па-руску і абняў яе.
У пакоях можна было заўважыць шмат сямейных фатаграфій у рамачках, у тым ліку і Арыніных.
— Мая любіміца, мая залатая. Як я сумавала, — пяшчотна сказала Людміла і абняла ўнучку.
— Ой, ну толькі не плакаць, — папрасіла Арына.
— Не буду, — паабяцала бабуля.
Стол, які быў накрыты ў гасцёўні, нагадаў бы многім мінчукам іх старыя сямейныя святы: салаты, пірагі, бульбяное пюрэ, мяса… Усё смачна і проста. Як у дзяцінстве Арыны.
«Бабуля прачыналася разам са мной і ладзіла мне шведскі стол з любым сняданкам», — з усмешкай узгадала тэнісістка, якая ў гэтым свеце, напэўна, пакаштавала ўжо ўсе стравы, якія хацела.
Пасля пышнага застолля дзеці і ўнукі дапамаглі бабулям прыбраць са стала. Арына і посуд памыла.
«Я радая, што знайшла час прыехаць і наведаць сям’ю. Еду адсюль з вельмі цёплым пачуццём у сэрцы», — сказала Сабаленка.
Сабаленка ў Мінску вазіла жаніха на вячэру да бабулі і на шашлыкі да Максіма Мірнага
«За паўгадзіны — 350 аўтографаў». Як Арына Сабаленка адкрывала ў Мінску тэнісныя корты
Арына Сабаленка выйшла да мінчукоў у атачэнні васьмі ахоўнікаў ВІДЭА
Вось на якім самалёце Арына Сабаленка і Георгіяс Франгуліс прыляцелі ў Мінск
Арына Сабаленка з жаніхом і сабакам прыляцелі ў Мінск чартарным рэйсам. Іх сустрэлі народнымі танцамі і караваем
Цяпер чытаюць
У СІЗА КДБ адшукаўся падпалкоўнік Зара, якога сілавікі лічаць аналітыкам Сахашчыка. Як ён апынуўся ў Беларусі — невядома12
Каментары