Грамадства33

Беларус пасадзіў занадта шмат бульбы. Каб яна не прапала, давялося кідаць кліч у сацсетках

Беларус Міхаіл прапанаваў усім ахвотным бясплатна сабраць бульбу на сваім участку ў Клецкім раёне. Яе аказалася настолькі шмат, што гаспадару ўжо не хапала месца для захоўвання, піша Blizko.by.

Скрыншот з відэа

Міхаіл напісаў у Threads, што ў аграгарадку Даматканавічы можна прыехаць і набраць столькі бульбы, колькі трэба. Ад Мінска да яго прыкладна гадзіна сорак хвілін язды.

Мужчына патлумачыў, што ўжо назапасіў бульбы прыкладна на дзве зімы, таму месца для новага ўраджаю не засталося. Выкапаць яму або зрабіць бурт для захоўвання ён таксама не паспяваў. На фотаздымках было відаць, што ўчастак ужо ўзараны і бульбу заставалася толькі сабраць рукамі.

Посмотреть в Threads

Аб'ява выклікала вялікую цікавасць. Многія беларусы дзякавалі Міхаілу за тое, што ён вырашыў падзяліцца ўраджаем, і шкадавалі, што знаходзяцца занадта далёка, каб прыехаць. Некаторыя адзначалі, што бульба вырасла буйная і прыгожая, а гаспадара называлі добрым чалавекам.

Аднак знайшліся і тыя, хто не зразумеў, чаму мужчына проста не паклаў бульбу на захоўванне ў бурт. У каментарах яму пачалі тлумачыць традыцыйны спосаб захоўвання ўраджаю — у яме, абкладзенай плёнкай і саломай, якую зверху таксама накрываюць зямлёй.

Іншыя ў адказ заўважалі, што гаспадар не просіць парад, а прапануе людзям бясплатна забраць бульбу, таму кожны можа сам вырашаць, што яму рабіць з ураджаем. А адна жанчына нават папрасіла прывезці бульбу ў Мінск, патлумачыўшы, што мае траіх дзяцей і не можа сама прыехаць.

У выніку ўжо на наступны дзень усю бульбу Міхаіла разабралі. Яго допіс у Threads за гэты час сабраў больш за 180 тысяч праглядаў.

Каментары3

  • Ян
    24.09.2026
    Картошку за Смаленскам садзяць, а ў нас бульбу.
  • Ярусь
    24.09.2026
    няўжо былі тыя хто загрузілі мяшок, сказалі "дзякуй" і паехалі? Ганьба тады. Трэба хоць троху аддзячыць грошмі
  • Хрыч
    24.09.2026
    Ярусь, Ага-ага) Да там процентов 70 сразу побежало барыжыть картошкой на Куфаре или сдавать каким-нибудь торгашам

Цяпер чытаюць

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Усе навіны →
Усе навіны

Самая вядомая бегемоціха свету Фіёна памерла, з'еўшы вязаную шапку1

Расія нанесла новы масіраваны ракетны ўдар, у Кіеве пашкоджаныя тры масты1

Каля Канарскіх астравоў навукоўцы скідаюць у мора будаўнічае смецце. Навошта?

Бульбяная вайна паміж ЗША і Японіяй доўжыцца ўжо 76 гадоў. Чаму японцы не здаюцца?5

Еўропа створыць касмічны апарат для прыбірання смецця на арбіце

«Пуцін і Сі нам не сябры». Як на Захадзе рэагуюць на саміт Трампа ў Шэньджэні1

У Беларусі ўзрасла колькасць забойстваў2

«Святлана не прыйшла на стрым, сапсаваўшы мне дзень нараджэння і настрой і не падарыўшы ніякага падарунка»44

Стала вядома, як будзе выглядаць выпраўленая скульптура беларускай жанчыны ў Быхаве20

больш чытаных навін
больш лайканых навін

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча8

«Гэта такая дробная, агідная помста Рамана». Соф’я Сапега расказала, як яе падманам знялі для перадачы Пратасевіча

Галоўнае
Усе навіны →

Заўвага:

 

 

 

 

Закрыць Паведаміць