Зяленскі: Расія ўдарыла па Кіеве ў той момант, калі я абмяркоўваў у Вашынгтоне «пякельныя санкцыі»
Прэзідэнт Украіны ў сваім тэлеграм-канале пракаментаваў начны ўдар Расіі па Кіеве.
«Сёння расіяне нанеслі балістычны ўдар па Кіеве якраз тады, калі на сустрэчы з кангрэсменамі мы абмяркоўвалі закон Ліндсі Грэма і неабходнасць узмацніць санкцыі. Гэтую вайну Расія без ціску не скончыць. У той час, калі людзі спалі, у небе былі ўспышкі ад выбухаў. Зноў асноўная мішэнь іхняга ўдару — Кіеў і цывільная інфраструктура: жылыя дамы, радзільня, энергетыка і лагістыка», — напісаў Уладзімір Зяленскі.
Ён паведаміў пра двух загінулых, а таксама пацярпелых і выказаў спачуванні сем'ям.
«Кожная такая атака адбываецца таму, што ціск на агрэсара так і не стаў татальным, і Расія лічыць, што можа і далей рабіць стаўку на балістычны тэрор. Цяпер у Злучаных Штатаў ёсць магчымасць моцна адрэагаваць. Патрэбныя перахопнікі для балістычных ракет, каб абараніць жыцці. Неабходна рэалізаваць санкцыі супраць Расіі і тых, хто дапамагае ёй зарабляць», — дадаў прэзідэнт Украіны.
Цяпер чытаюць
Дэпутат Клішэвіч стаў кандыдатам гістарычных навук з дысертацыяй пра разлажэнне беларускага камсамола ў часы «перабудовы»2
Каментары
Трамп асабіста сустрэў яго ў аэрапорце.
Па лётным полі маршавым крокам прайшоў аркестр ВПС ЗША.
Луналі амерыканскі і кітайскі сцягі.