Усе астатнія, што бралі ўдзел у трэніровачных лагерах, адпраўленыя ў фарм-клубы.
Сёння стартуе 109‑ы сезон у наймацнейшай хакейнай лізе свету — заакіянскай Нацыянальнай хакейнай лізе.
Вынікае, што сезон пачнуць у ёй пяцёра беларусаў. Усе яны гулялі ў НХЛ у мінулым годзе. Усе яны па стане на раніцу аўторка ўнесеныя ў стартавыя склады сваіх клубаў.
Гэта Аляксей і Ілля Протасы («Вашынгтон Кэпіталз»), Ілля Салаўёў («Пітсбург Пінгвінз»), Ягор Шаранговіч («Калгары Флэймз»), Арцём Леўшуноў («Чыкага»).
Абаронца «Нью-Джэрсі» Уладзіслаў Калячонак і галкіпер «Ванкувера» Мікіта Талапіла некалькі дзён таму былі выстаўленыя на драфт адмоваў сваімі клубамі, іх ніхто не забраў з іншых клубаў, таму яны адпраўляюцца ў фарм-клубы ў АХЛ (Амерыканскую хакейную лігу): «Ютыку» і «Абатсфорд». АХЛ — гэта другая па значнасці хакейная ліга ў Паўночнай Амерыцы.
Галкіпер Аляксей Коласаў, што ў мінулым сезоне згуляў некалькі матчаў за «Філадэльфію», адпраўлены ў АХЛ у «Ліхай».
Віталь Пінчук, Вадзім Мароз, Ягор Борыкаў, якія заключылі кантракты з клубамі НХЛ увесну, у верасні не змаглі адабрацца праз трэніровачныя лагеры і таксама спачатку адпраўляюцца ў АХЛ: Пінчук у «Мілуокі» (фарм «Нэшвіла»), Мароз і Борыкаў у «Тусон» (фарм «Юты»). Форвард Андрэй Лашко так і не здолеў прабіцца ў асноўны склад «Сіэтла» і будзе гуляць у «Каачэле» ў АХЛ.
Мацвей Нікановіч, Даніла Русаковіч, Яраслаў Брызгалаў былі ўлетку абраныя на драфце і таксама пачнуць кар'еру з фарм-клубаў.
Аднак, варта падкрэсліць, што беларусаў могуць выклікаць у НХЛ з фарм-клубаў у любы момант.
Каментары