Свет22

У Паўднёвай Карэі 600 тысяч чалавек прыйшлі паглядзець на акулу, якая захрасла ў канале

У Паўднёвай Карэі 3,5‑метровая акула стала нечаканай турыстычнай славутасцю пасля таго, як захрасла ў вузкім канале. Паглядзець на драпежніцу ўжо прыйшлі больш за 600 тысяч чалавек, а мясцовыя ўлады нават надалі ёй званне ганаровай амбасадаркі Пусана, паведамляе Reuters.

Скрыншот з відэа

Акулу ўпершыню заўважылі 18 верасня ў вузкім канале Паўночнага порта горада Пусана. Эксперты лічаць, што гэта бронзавая акула. Мяркуецца, што яна трапіла ў пастку, калі пераследвала здабычу, але пасля не змагла самастойна вярнуцца ў мора.

З таго часу акула стала папулярнай мясцовай славутасцю. Паводле ацэнак уладаў, прыбярэжны парк наведалі больш за 600 тысяч чалавек, якія хацелі ўбачыць жывёлу. У звычайныя выхадныя там бывае каля 2 тысяч турыстаў, а гэтым разам колькасць наведвальнікаў вырасла прыкладна ў 240 разоў — да 480 тысяч толькі за адзін з уік-эндаў.

Акулу назвалі Буканг-і — гэта назва ўтвораная ад карэйскага наймення Паўночнага порта. Пасля апытання ў сацыяльных сетках улады Пусана абвясцілі яе ганаровай амбасадаркай горада.

Мэр Пусана Чон Джа Су таксама прыйшоў паглядзець на акулу. Паводле яго слоў, у жывёлы сапраўды ёсць нешта зорнае: яна паказваецца кожныя 5—10 хвілін і выглядае вельмі прыгожа.

У дзень, калі акулу заўважылі, берагавая ахова ўжо спрабавала выгнаць яе з канала. Аднак пасля шасці гадзін аперацыю спынілі па рэкамендацыі навукоўцаў, якія папярэдзілі, што прымусовыя дзеянні могуць нашкодзіць жывёле або справакаваць яе на агрэсіўныя паводзіны.

У Нацыянальным інстытуце рыбалоўства паведамілі, што стан акулы пакуль стабільны, але магчымасці харчавацца і свабодна перамяшчацца ў яе абмежаваныя. Калі яна застанецца ў канале надоўга, гэта можа прывесці да аслаблення арганізма.

29 верасня берагавая ахова зноў спрабавала накіраваць акулу ў бок выхаду з канала, выкарыстоўваючы струмені вады. Аднак і гэтая спроба, як і папярэдняя, не дала выніку — акула не захацела пакідаць акваторыю. Наступную спробу вызваліць жывёлу спецыялісты плануюць зрабіць 2 кастрычніка.

З'яўленне акул у водах Паўднёвай Карэі само па сабе не з'яўляецца незвычайным. У першай палове 2026 года каля ўсходняга ўзбярэжжа краіны зафіксавалі 46 акул — амаль у чатыры разы больш, чым за той жа перыяд 2025 года. Спецыялісты звязваюць рост іх колькасці з павышэннем тэмпературы марской вады і павелічэннем колькасці рыбы, якая з'яўляецца натуральнай здабычай акул.

Каментары2

  • food
    01.10.2026
    "возможности питаться и свободно перемещаться у неё ограничены"
    ну кто-нить из праздных зевак свалится в воду)
  • Woodoo Cult
    09.10.2026
    [Рэд. выдалена]

Цяпер чытаюць

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Усе навіны →
Усе навіны

Падчас смяротнага пакарання ў Тэхасе, якое доўжылася больш за гадзіну, асуджаны крычаў ад болю6

Беларусы масава шукаюць у Google «ваеннаабавязаны». У чым прычына?

Расія атакавала балістычнымі ракетамі цэнтр Крывога Рога: загінулі фельчарка і дзіця, 58 чалавек параненыя1

Жанчыны пад Маладзечнам стварылі падпольную каталіцкую грамаду — і перажылі СССР8

Парадокс багатых краін: пенсіянеры заможныя як ніколі, але дзяржавы трацяць на іх усё больш грошай6

Чаму зімой не варта трымаць ежу на балконе?5

Сэкс з эфектам прысутнасці. У амерыканскіх 4DX кінатэатрах з'явіўся новы трэнд5

На пуцеправодзе паміж Каменнай Горкай і Лебядзіным у Мінску ўжо ўключаюць падсветку ФОТАФАКТ

У Мінску з аўкцыёну прадаюць культавы амерыканскі пікап. Ён у жахлівым стане, але каштуе дорага1

больш чытаных навін
больш лайканых навін

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка5

Завадчанін з Гомеля стаў зоркай тыктоку дзякуючы распакоўцы ссабоек, якія яму збірае на працу жонка

Галоўнае
Усе навіны →

Заўвага:

 

 

 

 

Закрыць Паведаміць