Сярэдзіна XVIII ст. Англія і Францыя ваююць за кантроль над Канадай. Сялянка й нашчадак багатага роду закахаліся адно ў аднаго.
Новая Францыя (Nouvelle France).
Канада—Францыя—Вялікабрытанія, 2004, каляровы, 142 хв.
Жанр: эпічная мэлядрама.
Адзнака: 7 (з 10).
Сярэдзіна XVIII ст. Англія і Францыя ваююць за кантроль над Канадай. Сялянка й нашчадак багатага роду закахаліся адно ў аднаго.
Нетаропкі гістарычны эпас зацягвае. Дакладныя касьцюмы, палітычныя інтрыгі, бязладзьдзе — ня проста фон для каханьня. Героі — удзельнікі гісторыі, а лёс Новай Францыі, якая пераходзіла з рук у рукі, нагадвае лёс Беларусі. Мары-Лю і Франсуа — гэта беларускія героі падчас вайны, толькі ў канадзкіх рэаліях.
Карціна Жана Бадэна — гарманічная й вывераная. Жарсьці не набываюць характар гістэрыкі; каханьне стрыманае, кожны гістарычны прадмет не крычыць аб раскошы, а проста ёсьць. Гісторыя каханьня ўскладнена ня толькі палітычнымі пэрыпэтыямі: перашкоды чыняць юрлівы інтэндант, нястрыманы лепшы сябра, кюрэ, які разрываецца паміж пабожнасьцю й закаханасьцю (бліскучая роля Жэрара Дэпард’ё).
Акторская гульня Наэмі Гадэн-Віньё (Мары) і Давіда Ля Э (Франсуа) разаб’е не адно глядацкае сэрца, а маленькая Жульет Жасьлен у ролі дачкі Мары дэманструе ўсе прыкметы будучай зоркі.
Можна толькі пашкадаваць, што карціна «Новая Францыя» амаль нікім ня ўбачаная. Але глядач можа выправіць сытуацыю.
Цяпер чытаюць
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос15
Кіберпартызаны і хакеры Silent Crow узламалі «Аэрафлот» і знішчылі яго ІТ-інфраструктуру. У расійскіх аэрапортах — хаос
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі3939
«Людзі, будзьце пільныя! У такой сітуацыі можа апынуцца кожны жыхар ЕС!» Грамадзянін Літвы, асуджаны ў Беларусі да 13 гадоў за «шпіянаж», перадаў ліст з калоніі39
«Незалежнасць не падае з неба і не даецца назаўсёды. Яе трэба абараняць». Ціханоўская выступіла з заявай да 35-годдзя прыняцця Дэкларацыі аб суверэнітэце4949
Каментары