Дзяніса Дашкевіча з Рагачова апыталі ў мясцовым КДБ
Грамадзянскі актывіст з Рагачова Дзяніс Дашкевіч заяўляе, што яго і жонку 23 жніўня выклікалі ў раённае аддзяленне КДБ і апыталі.
Як паведаміў Дашкевіч, ён звязвае выклік у аддзяленне КДБ са спробай зарэгістравацца кандыдатам у дэпутаты парламента. Акруговая выбарчая камісія Рагачоўскай акругі 22 жніўня адмовіла яму ў рэгістрацыі. «Старшыня акруговай камісіі Васіль Каральчук заявіў на пасяджэнні, што наша каманда наогул не збірала подпісы, што выклікала проста смех у нашых прыхільнікаў. Відавочна ўлада спалохалася, таму мяне не зарэгістравалі», — сказаў Дашкевіч.
Паводле яго слоў, 23 жніўня яго і жонку, а таксама некалькі членаў каманды актывіста па тэлефоне выклікалі ў аддзяленне КДБ.«У нас там была сутычка. Я патрабаваў, каб маю жонку дапытвалі ў маёй прысутнасці, але мне ў грубай форме было адмоўлена, супрацоўнік КДБ пачаў хапаць мяне за рукі і выштурхваць з будынка», — адзначыў актывіст.
Пры апытанні супрацоўнікі КДБ задавалі пытанні, не звязаныя з палітычнай ці грамадскай дзейнасцю.«Я працую тамадой на розных святах, і мне выставілі прэтэнзіі, што я нібыта браў грошы за паслугі ў замежнай валюце, што забаронена законам. Я адмовіўся ад такіх паказанняў. Тады супрацоўнікі КДБ прыстрашылі, што яны будуць дапытваць усіх людзей, якія замаўлялі мае паслугі. Маўляў, ты пашкадуеш, калі мы ўсім у Рагачове будзем гаварыць, што Дашкевіч ва ўсім вінаваты,
Паводле слоў Дашкевіча, гутарка скончылася тым, што яго абяцалі выклікаць у падатковую інспекцыю.
Непрыемнасці з аддзяленнем КДБ ён звязвае з актыўнай палітычнай і грамадскай дзейнасцю. «Я не парушаў законаў. Да таго, як я вырашыў балатавацца і больш за тысячу жыхароў горада мяне падтрымалі, мяне ніхто не чапаў, а зараз яны бачаць у маёй асобе пагрозу свайму існаванню», — лічыць актывіст.
Цяпер чытаюць
Удава Мікіты Мелказёрава ўпершыню публічна расказала пра ноч яго смерці3
Удава Мікіты Мелказёрава ўпершыню публічна расказала пра ноч яго смерці
Унікальныя здымкі будаўніцтва Старога моста ў Гродне. Хто фатаграфаваў небяспечныя кесоны, у якіх людзі рызыкавалі на дне Нёмана, каб паставіць апоры? ШМАТ ФОТА77
Каментары