Dzianisa Daškieviča z Rahačova apytali ŭ miascovym KDB
Hramadzianski aktyvist z Rahačova Dzianis Daškievič zajaŭlaje, što jaho i žonku 23 žniŭnia vyklikali ŭ rajonnaje adździaleńnie KDB i apytali.
Jak paviedamiŭ Daškievič, jon źviazvaje vyklik u adździaleńnie KDB sa sprobaj zarehistravacca kandydatam u deputaty parłamienta. Akruhovaja vybarčaja kamisija Rahačoŭskaj akruhi 22 žniŭnia admoviła jamu ŭ rehistracyi. «Staršynia akruhovaj kamisii Vasil Karalčuk zajaviŭ na pasiadžeńni, što naša kamanda naohuł nie źbirała podpisy, što vyklikała prosta śmiech u našych prychilnikaŭ. Vidavočna ŭłada spałochałasia, tamu mianie nie zarehistravali», — skazaŭ Daškievič.
Pavodle jaho słoŭ, 23 žniŭnia jaho i žonku, a taksama niekalki členaŭ kamandy aktyvista pa telefonie vyklikali ŭ adździaleńnie KDB.«U nas tam była sutyčka. Ja patrabavaŭ, kab maju žonku dapytvali ŭ majoj prysutnaści, ale mnie ŭ hrubaj formie było admoŭlena, supracoŭnik KDB pačaŭ chapać mianie za ruki i vyšturchvać z budynka», — adznačyŭ aktyvist.
Pry apytańni supracoŭniki KDB zadavali pytańni, nie źviazanyja z palityčnaj ci hramadskaj dziejnaściu.«Ja pracuju tamadoj na roznych śviatach, i mnie vystavili pretenzii, što ja nibyta braŭ hrošy za pasłuhi ŭ zamiežnaj valucie, što zabaroniena zakonam. Ja admoviŭsia ad takich pakazańniaŭ. Tady supracoŭniki KDB prystrašyli, što jany buduć dapytvać usich ludziej, jakija zamaŭlali maje pasłuhi. Maŭlaŭ, ty paškaduješ, kali my ŭsim u Rahačovie budziem havaryć, što Daškievič va ŭsim vinavaty,
Pavodle słoŭ Daškieviča, hutarka skončyłasia tym, što jaho abiacali vyklikać u padatkovuju inśpiekcyju.
Niepryjemnaści z adździaleńniem KDB jon źviazvaje z aktyŭnaj palityčnaj i hramadskaj dziejnaściu. «Ja nie parušaŭ zakonaŭ. Da taho, jak ja vyrašyŭ bałatavacca i bolš za tysiaču žycharoŭ horada mianie padtrymali, mianie nichto nie čapaŭ, a zaraz jany bačać u majoj asobie pahrozu svajmu isnavańniu», — ličyć aktyvist.
-
U Homieli za palityku asudzili 25‑hadovaha ŭkrainca, jaki mieŭ nieaściarožnaść pierajechać u Mazyr
-
Łukašenka nazvaŭ niedalnabačnym rašeńnie kiraŭnictva Małdovy vyjści z SND
-
Byłoha biełaruskaha palitviaźnia sudziać u Litvie za padrychtoŭku da zabojstva rasijskaha apazicyjaniera. Pahražaje až da pažyćciovaha
Ciapier čytajuć
Byłoha biełaruskaha palitviaźnia sudziać u Litvie za padrychtoŭku da zabojstvu rasijskaha apazicyjaniera. Pahražaje až da pažyćciovaha1
Kamientary