U Miensku adśviatkavali 60-hodździe AAN.
60 hod tamu, u 1945 h., ratyfikavali statut Arhanizacyi Abjadnanych Nacyj. Z hetaj nahody 24 kastryčnika mienskaja Filarmonija sabrała palityčny i kulturny bamond stalicy.
Najaŭnaść zaprašeńniaŭ pilna adsočvali harnyja chłopcy, apranutyja ŭ paradnyja šyniali, a placoŭka pierad uvachodam była ščylna zastaŭlena mašynami z dyplamatyčnymi numarami. Na adkryćci kancertu z pryvitalnymi słovami vystupili pradstaŭnica AAN u Biełarusi Džychan Sułtanahłu i vice-priemjer Andrej Kabiakoŭ. Pierakład pieršaj začytvaŭsia na ŭzornaj biełaruskaj movie, druhi pa papiercy pramaŭlaŭ na čyściutkaj rasiejskaj.
Meta AAN — zmahańnie za mir va ŭsim śviecie. Pra heta nahadvała vializnaja biełaja ptuška, što ŭ paŭzach miž vystupami łunała na ekranie ŭ hladzielnaj zali. Choć časam AAN paprakajuć za praźmiernuju miakkaść i bieskanfliktnaść — aby nie było vajny. Voś i rezalucyja vieraśnioŭskaj jubilejnaj sesii ŭtrymlivaje prapanovu Biełarusi pra pryznańnie raznastajnaści šlachoŭ prahresiŭnaha raźvićcia, u tym liku svabodnaha vyznačeńnia narodam palityčnaha statusu. Ech, kab heta sapraŭdy vyznačaŭ narod, a nia toj, chto kiruje ad jaho imia…
Arhanizatary prava na raznastajnaść interpretavali svojeasabliva: dva viadučyja (žančyna i mužčyna) pa čarzie pramaŭlali častki skazu. Heta davoli pašyrany pryjom roznych šoŭ, kali b nie adno «ale». Sakavity, čysta biełaruski pačatak skazu viadoŭcy-mužčyny ŭ vydatnym uvasableńni Alaksandra Pamidorava ź impetam padchoplivała jaho kaleha na rasiejskaj, praciah ža frazy znoŭ hučaŭ pa-biełarusku.
Starańniami kancertnych majstroŭ źmiašalisia ŭ kuču ŭźniosłyja melodyi baletnaha arkiestru, cyhanskija matyvy bajanistaŭ, biełaruskaja muzyka «Kramy», rasiejska-biełaruski Źmicier Vajciuškievič, džaz «Stoksu» i kasmapalityčny «Novy Jerusalim».
Nu i jak pišuć u takich vypadkach biełaruskija hazety za miažoj, paśla kancertu hanarovych haściej čakała smačnaja pačostka.
Ciapier čytajuć
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym24
«Fieminizm u maim vypadku pieramoh». Vieranika Stankievič — pra dapamohu palitviaźniam u «Volnych» i płany na viasielle ź Ivulinym
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»2222
Irłandziec, da jakoha małaja Cichanoŭskaja jeździła ŭ 1990-ja: «Kali b niechta skazaŭ, što adnoje z hetych dziaciej stanie palitykam, ja b pakazaŭ na Śvietu»22
«Pra ciažarnaść viedali tolki jana i jaje chłopiec». Stali viadomyja padrabiaznaści historyi ź miortvym niemaŭlom, znojdzienym u Baranavičach u pakiecie
Kamientary