Tym časam byłoha hiendyrektara zavodu vypuścili pad padpisku pra niavyjezd.
U vieraśni byłomu hiendyrektaru AAT «Naftan» Kanstancinu Časnavickamu, jaki padazrajecca ŭ kradziažy 8 młn dalaraŭ, vyručanych ad ekspartnych aperacyj, utrymańnie pad vartaj zamianili na chatni aryšt.
K.Časnavicki znachodzicca doma ŭ Navapołacku. Hieneralny prakuror Piatro Mikłaševič acharaktyryzavaŭ spravu jak składanuju dy admoviŭsia nazvać prybliznyja terminy pieradačy jaje ŭ sud. Sam K.Časnavicki, pavodle našych źviestak, staŭ aktyŭna supracoŭničać sa śledztvam. Napeŭna, tamu i było pryniata rašeńnie pra chatni aryšt.
Były hiendyrektar «Naftanu» byŭ zatrymany rabotnikami KDB hod tamu, razam z v.a. kamercyjnaha dyrektara pradpryjemstva S.Martynavym.
Papiarednie ŭ chodzie śledztva było ŭstanoŭlena, što kradziež ažyćciaŭlaŭsia šlacham arhanizacyi tenderaŭ na prodaž naftapraduktaŭ i niezakonnaha vyjaŭleńnia ich pieramožcaŭ — litoŭskich kampanijaŭ — i inšych pasrednikaŭ, blizkich da kiraŭnictva pradpryjemstva. Časnavicki i Martynaŭ abvinavačvajucca pa art. 210 č. 4 Kryminalnaha kodeksu — kradziež šlacham złoŭžyvańnia słužbovym stanoviščam, učynieny arhanizavanaj hrupaj albo ŭ asabliva bujnych pamierach, što praduhledžvaje pazbaŭleńnie voli na termin 5—12 hadoŭ z kanfiskacyjaj majomaści.
Tym časam žyćcio na «Naftanie» praciahvajecca. Sa studzienia raspačniecca techničnaje pieraabstalavańnie koštam 500 młn dalaraŭ, što musić pryvieści da pavyšeńnia kolkaści pierapracoŭki nafty z 9,5 młn t u hod da 12 młn t. 50 młn dalaraŭ «Naftan» biare ŭ kredyt (na pradpryjemstvie kažuć, što nie ŭ biełaruskich bankach), astatnija 90% składuć ułasnyja srodki.
∎
Naftapierapracoŭčy zavod «Naftan»pracuje z 1963. U 2002 h. zavod pieratvorany ŭ AAT. Dziaržava vałodaje 99,8% akcyj, 0,2% naležyć kalektyvu.
Ciapier čytajuć
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai7
Jak kupić kvateru ŭ Minsku, kali niama kamu dapamahčy? Zadajecca pytańniem biełarus, jaki adkładaje pa $1000 u miesiac i ŭsio adno ŭ adčai
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi44
«Dziaŭčyna niedzie praź siem siekund užo pikiravała bieź piłota». Siabar deltapłanierysta, jaki raźbiŭsia ŭ Stročycach, raskazaŭ, što pryviało da trahiedyi4
«Šmatpartyjnaść, pluralizm mierkavańniaŭ — heta brachnia, zachodniaja brachnia». Łukašenka razhladaje kanstytucyjnaje viartańnie da savieckaj sistemy8787
Kamientary