Ad byłoha ŭłaśnika kvatery zastaŭsia doŭh — ciapier jaho treba apłacić pakupniku?
Advakat raić, jak dziejničać u takoj situacyi.
Chto pavinien apłacić doŭh, jaki zastaŭsia ad byłoha ŭłaśnika kvatery?
«U byłoha ŭłaśnika kvatery zastaŭsia doŭh pierad staršynioj kaapieratyvu ŭ pamiery 340 rubloŭ (za dva hady). Ci maje prava staršynia kaapieratyva pierakinuć hety doŭh na mianie?» — zadała pytańnie žančyna.
Halina Kamaroŭskaja, advakat Minskaj haradskoj kalehii advakataŭ, patłumačyła:
«Staršynia kaapieratyva nie tolki maje prava, ale i abaviazany spahnać doŭh z vas. Tamu što pierad kaapieratyvam abaviazany vy — jak novy ŭłaśnik».
Što rabić u hetaj situacyi?
Zapłacić kaapieratyvu. Kali vy budziecie asprečvać doŭh, staršynia źvierniecca pa vykanaŭčy nadpis nataryusa abo ŭ sud. I tady akramia 340 rubloŭ pryjdziecca apłacić jašče i sudovyja vydatki (da tysiačy rubloŭ).
Spahnać hrošy z pradaŭca. Paśla taho jak vy apłacicie doŭh kaapieratyvu, vy majecie prava spahnać hetuju sumu z taho, chto pradaŭ vam kvateru i nie papiaredziŭ pra najaŭnaść doŭhu.
Kamientary
Stary doŭh moža pieravodzicca tolki pry damovie pamiž daŭžnikom i novym ułaśnikam. Doŭh nie byvaje "na kvatery" abo "na" inšaj majomaści. ŽK art.27, HK art.211, 362.
Vyklučeńnie: doŭh (niapoŭnyja ŭznosy) na stadyi budaŭnictva ŭ kaapieratyvie, ale tam i nie ŭłaśniki jašče.
Farmuliroŭka pytańnia ŭžo zabłytanaja: "doŭh pierad staršynioj". Staršynia - prosta vykanaŭca. Jurystka navat nie zadumałasia. Vyhladaje, što bolšaść razumnych śpiecyjalistaŭ źjechała z krainy.