Kanhres IKČF u Arhientynie pastanaviŭ, što ŭ 2006 h. suśvietnaja zbornaja pierapisačnikaŭ voźmie ŭdzieł u Alimpijadzie šachmatystaŭ-vočnikaŭ. Vyklikana heta nieabchodnaściu papularyzavać zavočnyja šachmaty, pra jakija niamnohija viedajuć.
Hałoŭnaje pytańnie: ci budzie hulać čempijon śvietu Jop van Osteram? 68-hadovy miljarder, zasnavalnik pieršaj u Niderlandach firmy pa vytvorčaści prahramnaha zabieśpiačeńnia, atrymaŭ viadomaść jak najbujniejšy sponsar eŭrapiejskich šachmatnych imprez. Siarod ich — cykl turniraŭ Melody Amber, pryśviečanych im svajoj dačce. Z 1992 h. u Monte-Karła elita suśvietnych šachmat zmahajecca ŭ chutkija šachmaty, hulaje, nia bačačy doški.
Na internet-forumach prychilniki van Osterama ćvierdziać, što meta halandca — dać mahčymaść hrosmajstram adpačyć, pahulać u šachmaty i padzarabić. Ale sponsarstva prynosić i čysta šachmatnyja dyvidendy: sioleta miljarder vyjhraŭ 18-ty čempijanat śvietu pa pierapiscy, litaralna raskidaŭšy ŭsich kankurentaŭ. U vyniku jaho rejtynh dasiahnuŭ rekordnaj adznaki — 2779.
Cikava, što ŭ pačatku 1990-ch stan zdaroŭja halandca rezka pahoršyŭsia, a šachmatnyja vyniki, naadvarot, palepšylisia. Niekatoryja navat ličać, što na Osterama pracavali inšyja hrosmajstry. Pahatoŭ sto hadoŭ tamu taki precedent užo byŭ. Kniaź Dadźjan Minhrelski davaŭ hrošy na mižnarodnyja spabornictvy i drukavaŭ pryhožyja partyi, niby zhulanyja im samim. Lahična dapuścić, što ŭ sučasnych šachmatach ludziej, hatovych kanvertavać svajo bahaćcie ŭ imidž «samych-samych», tolki pabolšała.
Ciapier čytajuć
Na kanviercie Cichanoŭskaj napisana «Miedviediu O.V.» Što heta za čałaviek?5
Na kanviercie Cichanoŭskaj napisana «Miedviediu O.V.» Što heta za čałaviek?
Chrysta Hrozieŭ: ad ramantyka-radyjoamatara da čałavieka, jaki vykryŭ samyja zmročnyja tajamnicy HRU i FSB. Jak jaho vierbavała śpiecsłužba Luksiemburha i jak jon vymušany chavacca ciapier
Kamientary