Aleh Ałkajeŭ: U Minsku byŭ. Padymaŭ archivy pa spravach źnikłych
«Naša Niva» datelefanavasia ŭ Bierlin da byłoha načalnika minskaha SIZA Aleha Ałkajeva.
U Internecie źjaviłasia videa, na jakim pa Minsku jedzie były načalnik SIZA№ 1 Aleh Ałkajeŭ.Jedzie jon na aŭtamabili pa praśpiekcie Niezaležnaści ŭ bok aeraporta. I vyrazna nazyvaje siabie: «Ja Aleh Leanidavič Ałkajeŭ». Vy sapraŭdy byli ŭ stalicy Biełarusi, heta videa sapraŭdnaje? — zapytalisia my ŭ Ałkajeva.
«Tolki što pračnuŭsia, učora pozna loh, dyk ničoha nie bačyŭ. Vidać, čałaviek vielmi padobny da mianie (śmiajecca). Vy ž viedajecie, što pa niamieckim zakanadaŭstvie ŭ maim statusie [palityčnaha ŭciekača — «NN»] mnie nielha naviedvać Biełaruś», — spačatku ŭpiraŭsia Ałkajeŭ.
Chacia paśla pryznaŭ, što ŭ Minsk jon usio ž pryjazdžaŭ. «Pajezdka była 11–13 listapada. Dva dni. Nočču pryjechaŭ, nočču źjechaŭ. Viadoma, što pryjazdžaŭ praz Rasiju».Jakaja meta pajezdki?
«Sustreŭsia z patrebnymi ludźmi. Treba było padniać peŭnyja archivy pa spravie źnikłych. Rasśledavańnie nie spyniajecca. Zaraz pracuju sa śviedkami pa hetych spravach», — kaža Ałkajeŭ.
«Siensacyj nie budzie, jany i nie patrebnyja, bo inšy bok praź ich moža pryniać miery pieraściarohi. Maje źviestki buduć bolš hruntoŭnymi. Chutka ŭsio daviedajeciesia. Mahčyma, što jašče da Novaha hoda paśpieju nadrukavać», — kaža Ałkajeŭ.
Ci nie adčuvaŭ jon niebiaśpieku, pryjazdžajučy ŭ Minsk?
«Zaściarohi, viadoma, zaŭsiody jość. Ale byli pryniatyja kankretnyja miery biaśpieki.Zrešty, chto jany takija, kab my ich bajalisia? Kiraŭnik Biełarusi — heta biełaruski narod, a nie niejkaja asoba.
Pryjazdžaŭ, i budu pryjazdžać»,— skančvaje Aleh Ałkajeŭ.
Infarmacyja pra toje, što Ałkajeva bačyli ŭ Minsku, upieršyniu prajšła ŭ sacyjalnych sietkach peŭny čas tamu.Videa źjaviłasia 4 śniežnia na JUTubaŭskim kanale hramadskaj inicyjatyvy «Naš dom», jakuju ŭznačalvaje Volha Karač. Ałkajeŭ daŭ zrazumieć, što dla jaho hetaje videa — niečakanaść.
Ałkajeŭ atrymaŭ palityčny prytułak u Niamieččynie paśla taho jak vykryŭ fakty, źviazanyja z vykradańniem i imaviernym zabojstvam lidaraŭ apazicyi, biznesoŭcaŭ i žurnalistaŭ u kancyJon prykłaŭ vializnyja namahańni dla taho, kab raskryć hetyja złačynstvy i painfarmavać hramadskaść pra ich.1990-ch .
Varta adznačyć, što 16 listapada ŭ intervju hazecie «Priessboł» były ministr unutranych spravaŭ Juryj Sivakoŭ zajaviŭ, što niasie vinu za źnikłych palitykaŭ.Na pytańnie žurnalista «U čym vas najbolš paprakajuć?» Juryj Sivakoŭ skazaŭ nastupnaje: «Napeŭna, luby ćviarozy čałaviek, jaki sa mnoju nikoli nie sustrakaŭsia, a viedaje pra Sivakova tolki na słych, źviazvaje hetaje proźvišča sa źnikłymi palitykami. Nu što ž… Ja za heta adkazvaju, maja vina ŭ hetym była, jość i budzie. Čas, viadoma, prachodzić, niešta źnikaje, ale ludzi ŭsio adno buduć stavicca da mianie jak da čałavieka
Aleh Ałkajeŭ adrazu zreahavaŭ na hetuju zajavu Sivakova i nazvaŭ jaje sihnałam dla zamiežnych palitykaŭ:«Jahonuju zajavu možna ličyć sihnałam da zamiežnych palitykaŭ, jakija zmohuć harantavać jaho biaśpieku, a taksama namiokam na toje, što z hetaha momantu lubyja zamachi na jahonaje žyćcio ci svabodu ciapier treba razhladać tolki jak srodak pazbavicca ad važnaha śviedki. Ja dumaju, što palitykam treba ŭličyć hety faktar i sapraŭdy padumać pra dapamohu hetamu čałavieku. Ja viedaju, što dla jaho heta byŭ ciažki vybar, ale i caniu toje, što jon znajšoŭ u sabie siły zrabić pravilny krok».
Vychodzić, pryjezd Ałkajeva ŭ Biełaruś papiaredničaŭ dadzienaj zajavie Sivakova.
Zastajecca adkrytym pytańnie, čamu Ałkajeŭ ci blizkija da jaho ludzi vyrašyli vystavić videa ź im u Minsku ŭ adkryty dostup.
Ciapier čytajuć
«Kali ciapier chierova, značyć, heta jašče nie kaniec». Pahutaryli z epatažnym «śviatarom XXI stahodździa», pra jakoha nie było čuvać piać hadoŭ paśla aryštu
Kamientary