a Vam spadabałasia novy film Džo Rajta?
«Hanna Karenina»: Lalka impierskaha teatru
Piša Andrej Rasinski.
Hanna Karenina (Anna Karenina)
Vialikabrytanija, 2012, kalarovy, 129 chv
Režysior: Džo Rajt
Roli vykonvajuć: Kira Najtli, Džud Łoŭ, Aaron Tejłar-Džonsan, Kieli MakDonałd, Mećju MakFejden, Domnał Hlisan, Rut Uiłsan
Žanr: drama pavodle adnajmiennaha ramanu Lva Tałstoha
Adznaka: 3 (z 10)
«Hańnie Kareninaj» šancavała na ekranizacyi. Ich było bolej za 25. Siońniašniaja — brytanskaja pastanoŭka Džo Rajta, scenar dla jakoj skłaŭ dramaturh Tom Stopard. Admietnaść karciny — jejnaja naŭmysnaja teatralnaść. Film pačynajecca, jak śpiektakl, a padčas luboj sceny my možam natknucca na dekaracyi. Chareahrafičnyja numary padkreślivajuć umoŭnaść dziejańnia.
Ale «Kareninski» teatr Rajta i Stoparda — heta miechaničnaje pradstaŭleńnie, dzie zamiest žyvych ludziej — vielmi darahija rečy.Hanna Karenina Kiry Najtli — heta zavadnaja lalka ź biełym tvaram, pazałamanymi rukami j isterykaj, što ŭklučajecca ŭ patrebnyja momanty. Vronski (Aaron Tejłar-Džonsan) — cukierny facet ź pierhidrolnymi vałasami, funkcyja jakoha zvabna ŭśmichacca. Levin (Domnał Hlisan) — niaŭciamny piersanaž u ciažkim kažusie (ale Tałstoj pisaŭ hetaha hieroja ź siabie). Futra, karunkavaja vual, bliskuča-biełyja sukienki — ažyŭlenyja lepiej za akcioraŭ, a mocny anhielski akcent ruskich narodnych piesień dadaje nieabchodnaje štučnaści. U falšyvym impierskim teatry sama čałaviečny piersanaž… — Karenin (Džud Łoŭ), špuncik dziaržaŭnaj mašyny. I vyjścia z sucelnaha teatru — niama.
Bolej amiarćvić «vialikuju ruskuju litaraturu», čym zrabili heta Stopard i Rajt, niemahčyma. Ale — chiba jana žyvaja?Zastalisia impierskija artefakty — i ich jašče pradajuć, pakul nie zabyli. Amataram «vysokaj duchoŭnaści», što pazbaŭlenaja dušy, — film spadabajecca.
-
Biełaruska znajšła pracu dla svajho trochmiesiačnaha syna. Niemaŭlatka źniałosia ŭ rasijskim sieryjale
-
Vychodzić finał kultavaha sieryjała «Vielmi dziŭnyja spravy». Hledačy abrynuli Netflix
-
Hieroj niamieckaha supracivu ŭładkavaŭsia da nacystaŭ, kab padabracca da ich bližej — novy film, jaki budzie cikavy i biełarusam
Kamientary