U Litvie da 50% źniziać ceny na čyhunačnyja kvitki na fonie padaražańnia paliva
U adkaz na rost cen na paliva pryniata rašeńnie časova źnizić košt usich čyhunačnych biletaŭ u Litvie. Novaja cenavaja palityka budzie dziejničać z krasavika da pačatku leta, paviedamili ŭrad i litoŭskaja čyhunka, piša LRT.
«Rost cen na paliva siońnia zakranaje kožnaha žychara Litvy, tamu adkaz urada pavinien być chutkim, kankretnym i adčuvalnym. <…> My ŭžo pryniali rašeńnie vypuścić častku paliŭnaha reziervu — heta byŭ naš pieršy krok. Taksama Ministerstva finansaŭ uzhadniła ź Jeŭrapiejskaj kamisijaj časovaje źnižeńnie akcyzu na dyzielnaje paliva. Ale my šukajem rašeńni, jakija dazvolać užo ciapier źnizić paŭsiadzionnyja vydatki ludziej. <…> Tamu my pryniali rašeńnie na dva miesiacy — krasavik i maj — źnizić ceny na čyhunačnyja bilety ŭdvaja», — zajaviła ŭ aŭtorak premjer-ministr Inha Ruhinienie.
Z krasavika da pačatku leta pasažyry zmohuć nabyvać bilety na pajezdki pa ŭnutranych maršrutach sa źnižkaj 50%. Pavodle słoŭ premjer-ministra, čakajecca, što heta miera zaachvocić žycharoŭ pierasieści na hramadski transpart.
Čakajecca, što za hetyja dva miesiacy ciahnikami skarystajucca kala 1,2 młn pasažyraŭ. Miarkujecca, što dziakujučy źnižkam pasažyrapatok vyraście jašče na 200 tysiač čałaviek. Dla biudžetu Litvy heta rašeńnie abydziecca prykładna ŭ 1,5 młn jeŭra.
Ciapier čytajuć
Pa padazreńni ŭ zabojstvie ciažarnaj minčanki zatrymali chakiejnaha sudździu Alaksieja Haŭrylonka6
Kamientary