20 lutaha ŭ Minharvykankamie pad kiraŭnictvam namieśnika staršyni Ihara Karpienki adbyłasia narada ab ukaranieńni sistemy aryjentavańnia dla piešachodaŭ i ŭdzielnikaŭ darožnaha ruchu ŭ horadzie Minsku.
U čarhovy raz paŭstała pytańnie ab zaćviardžeńni schiemy mietrapalitena z nazvami stancyj, aformlenych tradycyjnaj nacyjanalnaj łacinkaj. I.Karpienka vykazaŭsia, što treba zamianić šyldy: unieści dadatkova ruskuju movu i, vierahodna, što tranślitaracyja budzie rabicca z ruskaj movy.
Heta aznačaje, što Karpienka vystupaje prychilnikam, a mahčyma i inicyjataram źmienaŭ u «Zakon ab nazvach hieahrafičnych abjektaŭ», pryniatym ŭ listapadzie 2011 hoda, pavodle jakoha nazvy hieahrafičnych abjektaŭ pavinny davacca na nacyjanalnaj (biełaruskaj) dziaržaŭnaj movie i ź jaje tranślitaravacca na druhuju dziaržaŭnuju movu. Paradaksalna, što sam I.Karpienka, budučy deputatam pałaty pradstaŭnikoŭ, hałasavaŭ za hety zakon. Ale nie prajšło i dva hady…
Źmieny ŭ zakonie paciahnuć za saboj u tym liku źmienu adrasnaj sistemy krainy nasupierak usim mižnarodnym normam. Heta paciahnie za saboj vialikija materyjalnyja vydatki.
A samaje hałoŭnaje, pry takim padychodzie źniščajecca nacyjanalny kałaryt krainy.
Kančatkovaje vyrašeńnie pytańnia adbudziecca ŭ Administracyi prezidenta.
Ciapier čytajuć
«Ja nie śviataja, ale ŭ mianie nie było nadziejnaha plača pobač»: maci Ksiušy z SMA mohuć pazbavić baćkoŭskich pravoŭ, jana ž davodzić, što zdolnaja vypravicca1515
Kamientary