KDB zatrymaŭ machinatara, jaki chacieŭ raźvieści zamiežnaha inviestara na 330 tysiač baksaŭ
Niejki minčuk, imia jakoha nie paviedamlajecca, abiacaŭ inviestaram spryjalnaje vyrašeńnie pytańnia ab kancesii na raspracoŭku radovišča hranitnaha ščebieniu ŭ Homielskaj vobłaści. Jon patrabavaŭ ad inviestara $330 tysiač, nibyta dla pieradačy ich słužbovym asobam orhanaŭ dziaržkiravańnia, upaŭnavažanym prymać adpaviednyja rašeńni.
Na zatrymanaha zaviedzienaja kryminalnaja sprava pa č.5 art.16 i č.3 art.431 Kryminalnaha kodeksa (padbuchtorvańnie da dačy chabaru), paviedamlaje Centr infarmacyi i hramadskich suviaziaŭ KDB.
Ciapier śpiecsłužba vyśviatlaje, ci sapraŭdy chabaru čakali pradstaŭniki «respublikanskich orhanaŭ dziaržaŭnaha kiravańnia».
Radoviščy budaŭničaha kamienia stanuć častkaj novaha Lelčyckaha pramysłovaha kłastara. Tudy viaduć novuju čyhunku. Akramia ščebieniu, tam majuć zdabyvać bury vuhal, słancy, soli, hranit, hliny, hips, redkaziamielnyja elemienty.
Kamientary