Apazycyja damaŭlajecca z eŭrapiejskimi ŭniversytetami pra mahčymaść praciahu navučańnia biełaruskich studentaŭ, jakich mohuć vyklučyć z navučalnych ustanoŭ za ŭdzieł u pratestach. A jak u hetaj sytuacyi buduć pavodzicca ŭłady – ci namierany vyklučać studentaŭ za ŭdzieł u apazycyjnych akcyjach?
Pavodle pravaabarončaha centru «Viasna», bolš za 300 studentaŭ biełaruskich navučalnych ustanoŭ byli zatrymany padčas apazycyjnych akcyj. Niekatoryja ź ich aryštavany. U Ministerstvie adukacyi nia chočuć vieryć u hetyja ličby. Kiraŭnik adnaho z upraŭleńniaŭ Ministerstva, Hieorhi Butrym, skazaŭ:
(Butrym: ) «Treba hladzieć, raźbiracca… Kali student złosna, nia pieršy raz parušyŭ niejki rasparadak, dyk i tady, ja nia dumaju, kab sprava adrazu išła da vyklučeńnia. Treba, pamiž inšaha, razhladać litaralna kožny vypadak. Raźbirajecca niepasredna VNU, i ŭ kožnym vypadku viadziecca indyvidualnaja rabota, vyśviatlajucca abstaviny. Heta ŭsio robicca davoli spakojna».
Da prykładu, prarektar Biełaruskaha techničnaha ŭniversytetu Kanstancin Bałandzin skazaŭ, što takich studentaŭ u jahonaj navučalnaj ustanovie mała.
(Bałandzin: ) «My pakul nie razhladajem pytańnia ab tym, kab ich vyklučać. Usio zaležyć ad taho, jak tam fakultety raźbiarucca: dzie, što, chto j hetak dalej... Chto prapuskaŭ zaniatki… Jak pisaŭ Dunin-Marcinkievič, udzielničaŭ u bojcy ci nia ŭdzielničaŭ. Hetaje pytańnie jašče vyvučajecca».
Jak ža ŭ Ministerstvie ŭsprymajuć inicyjatyvu eŭrapiejskich universytetaŭ?
(Butrym: ) «Toje, što nieaficyjna srodki masavaj infarmacyi na hety kont pišuć, nie źjaŭlajecca dla nas niečym surjoznym. Ničoha kankretnaha skazać nie mahu. Tak pytańnie nie staić uvohule».
Adnosna sankcyj da studentaŭ, kiraŭnik kamisii pa adukacyi Pałaty pradstaŭnikoŭ Uładzimier Zdanovič kaža:
(Zdanovič: ) «Pakul znachodzicca ŭ stadyi mierkavańnia, ci buduć jany vyklučany. Jašče pad vialikim pytańniem znachodzicca sam fakt vyklučeńnia. Toje, što ŭniversytety Zachadu hatovy pryniać tych studentaŭ, – na ichnym ułasnym sumleńni».
-
«Nakiravaŭ aŭtamabil u bok palicyjantaŭ». U polskaj prakuratury prakamientavali spravu sa stralboj pa biełarusie ŭ Polščy
-
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
-
Ministr zamiežnych spraŭ Ukrainy anansavaŭ vizit Cichanoŭskaj u Kijeŭ
Ciapier čytajuć
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma2
Usie biełaruskija banki pačnuć sačyć za miescaznachodžańniem klijentaŭ? Alfa-bank užo papiaredziŭ, admovicca niemahčyma
Kala Safii ŭ Połacku pastavili pomnik lotčykam Ničyparčyku i Kukanienku. Ale navat nie samalot toj madeli, na jakoj jany zahinuli, a aerapłan stalinskaha času1818
Kamientary