Apieratar naležyć biełaruskaj dziaržavie i rasijskamu miljarderu Viktaru Vieksielbierhu.
13 červienia STAA «Kosmas TB» paviedamiła ab pryznačeńni novaha hienieralnaha dyrektara i pačatku raboty novych orhanaŭ kiravańnia ŭ kampanii — Naziralnaj Rady i Dyrekcyi. Ich stvareńnie praduhledžana novaj redakcyjaj statuta STAA «Kosmas TB», zaćvierdžanaj 10 červienia.
Na pasadu hiendyrektara kampanii pa prapanovie biełaruskaha ŭdzielnika pryznačany Vadzim Zajcaŭ, z 2008 pa 2012 — staršynia Kamiteta dziaržaŭnaj biaśpieki.
U skład Naziralnaj Rady byli abranyja pradstaŭniki HK «AKADO» i biełaruskaha ŭdzielnika kampanii, a mienavita: dyrektar pa raźvićci HK «AKADO» Vital Klišyn, dyrektar pa pravavych pytańniach HK «AKADO» Kastuś Kakuryn, namieśnik ministra infarmacyi Dźmitryj Šadko i načalnik upraŭleńnia elektronnych ŚMI Mininfa Uładzimir Jadrancaŭ.
Sumiesnaje tavarystva z abmiežavanaj adkaznaściu «Kosmas TV» stvorana ŭ 1993. Suzasnavalnikami pradpryjemstva vystupajuć ź biełaruskaha boku unitarnaje pradpryjemstva «Biełaruski radyjotelevizijny pieradajučy centr», z brytanskaha boku «International Telcell, Inc».
Ciapier 50% akcyj vałodaje biełaruskaja dziaržava, astatnija 50% kantraluje rasijski miljarder Viktar Vieksielbierh.
Kampanija «Kosmas TB» nadaje pasłuhi
Vadzim Zajcaŭ zastajecca ŭ śpisie asobaŭ, ujezd jakich u Jeŭrasajuz zabaronieny pa padazreńni ŭ suŭdziele ŭ parušeńniach pravoŭ čałavieka ŭ Biełarusi. Mienavita Zajcaŭ byŭ staršyniom Kamiteta, kali ŭ izalatary KDB znachodzilisia aryštavanyja za Płošču. Mnohija ź ich zajavili ab katavańniach u časie śledstva.
Ciapier čytajuć
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta1
Bulba-fitnes: biełarusy pakazvajuć u sacyjalnych sietkach, kolki bulby vykapali sioleta
Hrodzienskaha padletka adpravili ŭ škołu ŭ Litvu — jon vyvučyŭ litoŭskuju i ciapier pierakładaje ŭ Jeŭraparłamiencie. Pierakładaŭ jon i Cichanoŭskich2626
Kamientary