Baćka eks-prezidenta Polščy Kvaśnieŭskaha byŭ dyrektaram biełaruskaj škoły
Apošni numar polskaha kansiervatyŭnaha tydniovika «Do Rzeczy» byŭ pryśviečany siamji byłoha prezidenta Polščy Alaksandra Kvaśnieŭskaha. U adnym z artykułaŭ aŭtar raskryŭ małaviadomyja fakty pra baćkoŭ eks-prezidenta.
Vyjaŭlajecca, što maci Kvaśnieŭskaha Alaksandra Bałaš naradziłasia na Vilenščynie ŭ pravasłaŭnaj siamji, a baćka Ździsłaŭ, taksama vilenčuk, u časy niamieckaj akupacyi pracavaŭ dyrektaram biełaruskaj škoły pad Vilniaj.
Paśla II Suśvietnaj vajny siamja Bałašaŭ pierajechała ŭ Dajlidy pad Biełastokam, a Alaksandra vyjšła zamuž za Ździsłava Kvaśnieŭskaha, jaki paśla vajny pracavaŭ chirurham. Budučy prezident naradziŭsia ŭ 1954 u Białahardzie ŭ Zachodniepamorskim vajavodctvie.
Darečy, Alaksandr Kvaśnieŭski vydatna razumieje biełaruskuju movu i nie patrabuje pierakładčykaŭ u kamunikacyi ź biełarusami.
Biełaruskija žurnalisty nieadnojčy brali intervju ŭ eks-prezidenta pa-biełarusku. 5 hadoŭ damu Kvaśnieŭski vystupiŭ inicyjataram niaŭradavaj inicyjatyvy Belarus Task Force. Vakoł hetaj arhanizacyi abjadnalisia suśvietna viadomyja palityki i hramadskija dziejačy z metaju łabizmu dyjałohu pamiž Biełaruśsiu i ES. Adnak svajoj mety arhanizacyja tak i nie vykanała.
Illu Dubskaha ŭ kałonii prymusili samomu sabie lazom zrezać tatuiroŭku z Pahoniaj12
Kamientary