Čamu ŭłady Biełarusi nie śviatkujuć Aršanskuju pieramohu?
U Rasiei štohod adznačajecca analahičnaje śviata, jakoje možna było b nazvać antybiełaruskim. Nu i što?
Prajšła navina pra toje, što ŭ Litoŭskaj Respublicy 2014 hod abvieščany hodam Aršanskaj bitvy.
Nia budziem zasiaredžvacca na pytańni pra toje, ci vialikaje dačynieńnie maje sučasnaja Litoŭskaja Respublika hetaje bitvy i da Vialikaha Kniastva Litoŭskaha ŭvohule: heta suverennaje prava litoŭcaŭ śviatkavać toje, što jany sami žadajuć.
Pytańnie inšaje: a
čamu heta paŭtysiačahadovy (!) jubilej Aršanskaj bitvy, u jakoj pieramahło vojska, dzie bolšaść składali prodki sučasnych biełarusaŭ, nie planujecca śviatkavać na aficyjnym uzroŭni ŭ Respublicy Biełaruś?
Tamu tolki, što Kreml — hałoŭny (adziny) siabar i sponsar isnujučaha ŭ Biełarusi režymu?
Ale ž u Rasiei voś užo niekalki hod śviatkujecca Dzień Narodnaha Adzinstva 4 listapada.
Prykładna ŭ hety dzień u 1612 hodzie paŭstancy na čale ź Mininym i Pažarskim vybili z terytoryi Maskvy vojski Rečy Paspalitaj.
Hetaje śviata pry žadańni možna było b razhladać jak antypolskaje i antybiełaruskaje,
bo bolšaść u vojsku Rečy Paspalitaj składali jakraz tyja, kaho siońnia pryniata nazyvać biełarusami. Ale chiba pavinna adno tolki heta być pryčynaj dla rasiejcaŭ nie śviatkavać hetaje śviata jak śviata vyzvaleńnia ad inšaziemnych zachopnikaŭ — navat kali zachopnikami apynulisia biełarusy?
Jak i sa śviatam 4 listapada ŭ Rasiei, dla biełarusaŭ u Aršanskaj bitvie niavažna, chto kankretna byŭ voraham u hetym kankretnym histaryčnym epizodzie (i tut ja źviartajusia da tych biełaruskich patryjotaŭ, jakija ŭsio ž źbirajucca hetuju datu adznačać).
Hałoŭnaje — nie kaho pieramahli, a jak pieramahli: a Aršanskaja pieramoha była jaskravaj padziejaj, dziakujučy vojenačalnickamu talentu Kanstancina Astroskaha i advazie tysiačaŭ biełaruskich vajaroŭ,
što ŭ niaroŭnaj bitvie zdabyli pieramohu nad šmatkroć bolš mocnymi siłami voraha. Pry ŭsioj toj pošłaści, ź jakoj u sučasnych Biełarusi i Rasiei adznačajecca 9 traŭnia, u hetych śviatkavańniach ličy što nie zastałosia nijakaha antyniamieckaha kampanentu.
Hadavina Aršanskaj bitvy 8 vieraśnia — heta nahoda ŭšanavać usich biełaruskich vajskoŭcaŭ i vajennych hierojaŭ ad Kanstancina Astroskaha da Lucyjana Žalihoŭskaha i Stanisłava Bułak-Bałachoviča.
Napamin pra toje, što nasupierak łukašenkaŭskamu himnu
biełarusy — nia «mirnyja ludzi», a narod z daŭniaj i słaŭnaj vajskovaj historyjaj i vajarskimi tradycyjami, jakija vartyja taho, kab ich adradžać.
Ciapier čytajuć
Cichanoŭskaja jedzie ŭ Ńju-Jork. Jana moža pierasiekčysia z pradstaŭnikami Łukašenki, ale hałoŭnuju intryhu pakul nie raskryvajuć21
Kamientary