Lidar «Baćkaŭščyny» Arsienij Jacaniuk zajaviŭ, što padčas pieramovaŭ z apazicyjaj prezident Ukrainy Viktar Janukovič faktyčna prapanavaŭ im zdacca.
Pra heta jon skazaŭ u efiry 5 kanała.
«Pazicyja apazicyi na pieramovach była tolki adna — nieadkładnaje pieramirje, advod vojskaŭ, kab zachavać čałaviečyja žyćci», — skazaŭ Jacaniuk u noč na 19 lutaha paśla pieramovaŭ.
Pavodle jaho słoŭ, prezident i pradstaŭniki ŭłady «prapanavali nam faktyčna zdacca i pakinuć terytoryju Majdana».
«Pakolki nie abvieščana pieramirje, i žadańnia takoha va ŭłady niama, to my sapraŭdy staim na parozie najbolš dramatyčnaj staronki historyi našaj krainy», — skazaŭ Jacaniuk.
«My budziem stajać ź ludźmi. Na Majdanie mirnyja ludzi, i hetyja ludzi majuć prava tut stajać i praciahvać svoj mirny pratest», - padkreśliŭ palityk.
Jak viadoma, sustreča lidaraŭ apazicyi i Janukoviča, jakaja adbyłasia ŭ noč z aŭtorka na sieradu, zaviaršyłasia ničym — prezident zapatrabavaŭ, kab mitynhoŭcy pajšli dadomu.
Na Majdanie milicyja praciahvaje hasić z vadamiotaŭ vohniščy.
Kamientary