Лідар «Бацькаўшчыны» Арсеній Яцанюк заявіў, што падчас перамоваў з апазіцыяй прэзідэнт Украіны Віктар Януковіч фактычна прапанаваў ім здацца.
Пра гэта ён сказаў у эфіры 5 канала.
«Пазіцыя апазіцыі на перамовах была толькі адна — неадкладнае перамір'е, адвод войскаў, каб захаваць чалавечыя жыцці», — сказаў Яцанюк у ноч на 19 лютага пасля перамоваў.
Паводле яго слоў, прэзідэнт і прадстаўнікі ўлады «прапанавалі нам фактычна здацца і пакінуць тэрыторыю Майдана».
«Паколькі не абвешчана перамір'е, і жадання такога ва ўлады няма, то мы сапраўды стаім на парозе найбольш драматычнай старонкі гісторыі нашай краіны», — сказаў Яцанюк.
«Мы будзем стаяць з людзьмі. На Майдане мірныя людзі, і гэтыя людзі маюць права тут стаяць і працягваць свой мірны пратэст», - падкрэсліў палітык.
Як вядома, сустрэча лідараў апазіцыі і Януковіча, якая адбылася ў ноч з аўторка на сераду, завяршылася нічым — прэзідэнт запатрабаваў, каб мітынгоўцы пайшлі дадому.
На Майдане міліцыя працягвае гасіць з вадамётаў вогнішчы.
Цяпер чытаюць
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі13
Статкевіч: Калі зноў пачнуцца масавыя пратэсты, яны ўжо не будуць такімі мірнымі, як у 2020‑м. А ЕС правільна перастаў верыць казкам Лукашэнкі
«Галоўнае не забываць падзараджаць не толькі тэлефон, але і сябе самога». Як украінскі вайсковец жыве з двума электрастымулятарамі. І што ў яго з сэксам?11
Каментары