Prezidenty dla miru i prezidenty dla vajny: Abama, Turčynaŭ i Jacaniuk nie słužyli ŭ armii
Hladziš ukrainskija telekanały: tam biaskoncaja bałtałohija. Šmathadzinnyja šou Šustera, tranślacyi z Rady. Ministry, hienierały, kandydaty spaborničajuć u krasamoŭstvie. Tym časam u Krymie treci dzień zapar realizujecca scenar uvarvańnia, anałahičny tamu, jaki byŭ u 1968 hodzie ŭ Čechasłavaččynie, u 1979 u Afhanistanie.
Zachopleny aeraport, a «ŭrad» — jak kaliści Husak i Karmal — źviarnuŭsia da Rasii pa dapamohu.
Byvajuć, jak brytancy kažuć, war time diplomats i peace time diplomats. Tak i prezidenty byvajuć dla mirnaha i dla vajennaha času. Adny — kab kiravać budaŭnictvam, druhija — kab kiravać abaronaj.
I Abamu dobra ŭ roli prezidenta pa zmahańni z kryzisam, i Turčynaŭ ź Jacaniukom dobra pačuvajucca ŭ roli śpikieraŭ. A tut havorka pra vyklik, jakoha nie byvała ŭ ich papiaredniaj bijahrafii.
Rejhan ci Makkiejn lepš razumieli b Pucina ŭ hetaj situacyi. A voś Abamu, Turčynava i Jacaniuka abjadnoŭvaje adzin momant u bijahrafii: nivodzin ź ich nie słužyŭ u armii. Jak i bolšaść jeŭrapiejskich prymalnikaŭ rašeńniaŭ.
Hety fakt, dumaju, budzie vyznačalnym u razhortvańni padziej vakoł Kryma. Reakcyja Ukrainy i ZŠA na realizacyju Rasijaj siłavoha scenara jość i budzie strymanaj, zapoźnienaj i abarončaj. Śviet hatovy mieć spravu z fait accompli, ździejśnienym faktam.
Śviet budzie sprabavać uździejničać na situacyju finansami ŭ momant, kali Rasija maje ŭ svaim rasparadžeńni bolej svabodnych hrošaj, čym Zachad.
Zachad i Ukraina nie chočuć vajavać. A Rasija i choča, i hatovaja. U takoj situacyi pytańnie tolki ŭ tym, dzie Pucin vyrašyć spynicca: na Pierakopie, na miažy rasiejskamoŭnych i ŭkrainskamoŭnych rehijonaŭ ci ŭ Kijevie.
Kaniečnie, Pucin raniej byŭ palitykam-realistam, tamu chočacca spadziavacca na lepšaje.
Bo kali raspačynajecca vajna, na źmienu «prezidentam dla miru» niepaźbiežna prychodziać «prezidenty dla vajny» — tak, jak na źmienu Čembierlenu pryjšoŭ Čerčyl. I tamu vynik vojnaŭ zaležyć u bolšaj stupieni ad najaŭnaści ŭ bakoŭ resursaŭ i arhanizacyi, a nie ad piersanalij.
-
Statkievič: Nastupnaje «akno mahčymaściaŭ» moža być apošnim dla biełarusaŭ
-
Statkievič ab pratestach va Ukrainie: Kali vy abrali z takoj pieravahaj prezidenta i adnačasova Viarchoŭnaha hałoŭnakamandujučaha, to dajcie jamu kiravać
-
Biełarus pra adstaŭku Fiodarava: Viera ŭ niepahrešnaha technakrata nievykaranialnaja
Kamientary