Prezientacyja knihi «Mastak» Tarasa Šaŭčenki — u honar 200-hodździa z dnia naradžeńnia Kabzara — adbudziecca 20 sakavika a 16.00 u Respublikanskim centry nacyjanalnych kultur (Minsk, vuł. Čyčeryna, 19).
Arhanizatary — Pasolstva Ukrainy ŭ Respublicy Biełaruś, HA «Sajuz biełaruskich piśmieńnikaŭ».
Knihu tvoraŭ Tarasa Šaŭčenki «Mastak» pierakłaŭ na biełaruskuju movu Valer Strałko. Impreza pryśviečanaja 200-hodździu z dnia naradžeńnia kłasika ŭkrainskaj litaratury.
U prezientacyi voźmuć udzieł biełaruskija i ŭkrainskija litaratary, a taksama pradstaŭniki ŭkrainskaj dyjaspary ŭ Biełarusi.
«Pa-novamu zahučali ŭ pierakładzie Valeryja Strałko i znakamityja radki «Kabzara». Treba było mieć peŭnuju śmiełaść i majsterstva, kab advažycca pierastvarać ich pa-biełarusku paśla kłasikaŭ našaj litaratury. Pa naradžeńni ŭkraincu, ulubionamu ŭ biełaruskuju (i rodnuju, viadoma ž) movu V. Strałko ŭdałosia heta zrabić nadzvyčaj dakładna i, bieź pierabolšvańnia, daskanała. Zachavanyja, zdavałasia b, niepaŭtornaja miełodyka Šaŭčenki i sam duch tvorčaści Paeta», — adznačaje ŭ paślamovie da vydańnia Staršynia HA «Sajuz biełaruskich piśmieńnikaŭ» Barys Piatrovič.
Ciapier čytajuć
«Spasibo, Lena! Prodołžajtie viesti nabludienije». Aficer, jaki pisaŭ Charysavaj, paśviŭsia ŭ čatach palitemihracyi, a niekatorym dziaŭčatam navat prapanoŭvaŭ abmianiacca niudsami21
Kamientary