Siońnia, 11 krasavika, žychary Bresta buduć mieć unikalnuju mahčymaść pabačyć redkija histaryčnyja vydańni i sustrecca ź ich aŭtarami.
Na sustrečy budzie pradstaŭleny śviežy numar časopisa «ARCHE» 4/2013 «Biełaruś u ciani Paleśsia», pryśviečany Bieraściejščynie.
Taksama ŭ miežach akcyi «Histaryčny tydzień» projdzie prezientacyja śviežavydanaj manahrafii doktara Juryja Hardziejeva «Cyvilna-vajskovyja paradkavyja kamisii ŭ Vialikim Kniastvie Litoŭskim u časy Čatyrochhadovaha sojma». Aŭtar adkaža na ŭsie pytańni!
U sustrečy voźmie ŭdzieł i redaktar «ARCHE» Valer Bułhakaŭ.
Buduć prezientavanyja taksama inšyja histaryčnyja vydańni:
— manahrafija Rymvidasa Piatraŭskasa «Litoŭskaja znać u kancy XIV — pačatku XV stahodździa» «Litoŭskaja znać u kancy XIV — pačatku XV stahodździa»,
— Aleha Łatyšonka. «Žaŭniery BNR»,
— Jana Šumskaha «Savietyzacyja Zachodniaj Biełarusi (1944—1953 h.): Prapahanda i adukacyja na słužbie ideałohii»,
— Marka Bartuški. «Partyzanskaja vajna ŭ Biełarusi ŭ 1941—1944 hh.»,
— Siarhija Płachija «Ruski Vaviłon: Damadernyja identyčnaści ŭ Rasii, Ukrainie i Biełarusi»,
— Zbornik pamiaci Paŭła Łojki «Da svajoj historyi: Siaredniaviečča i Rańni Novy čas»,
— Aleha Łatyšonka i Jaŭhiena Miranoviča «Historyja Biełarusi ad siaredziny XVIII st. da pačatku XXI st.»,
— «Letapisy i chroniki Biełarusi. Siaredniaviečča i rańniemaderny čas»,
— Alesia Biełaha «Chronika Biełaj Rusi»,
— Edmundasa Himžaŭskasa«Biełaruski faktar pry farmavańni litoŭskaj dziaržavy ŭ 1915—1923 hh.»,
— tolki što vydadzienaje druhoje vydańnie knihi «Bałachoŭcy» (z dadatkam daśledavańnia estonskaha historyka Jurasia Jurkieviča «Asobny atrad BNR u Prabałtycy»,
a taksama śviežyja numary «ARCHE» i dziasiatki inšych vydańniaŭ.
Bieraściejskaja sustreča pačniecca a 19.00 pa adrasie: vuł. Dvornikava, 63.
Daviedki pa t.: (29) 550 7969.
Kamientary