Huruloŭ: U vypadku zabarony GPS u Rasii biełarusy buduć prymać sihnały sa stancyj va Ukrainie i Polščy
Navat kali Rasijskaja Fiederacyja zabaronić na svajoj terytoryi dziejnaść amierykanskaj hłabalnaj navihacyjnaj spadarožnikavaj systemy GPS, heta nie paŭpłyvaje na jaje pracu ŭ Biełarusi.
Pra heta siońnia zajaviŭ u pałacie pradstaŭnikoŭ staršynia dziaržaŭnaha vajskova-pramysłovaha kamiteta Respubliki Biełaruś Siarhiej Huruloŭ. Jon patłumačyŭ heta tym, što karystalniki hłabalnaj navihacyjnaj spadarožnikavaj sistemy GPS u Biełarusi mohuć prymać sihnały, jakija iduć sa stancyj, što źmieščanyja na terytoryjach Ukrainy i Polščy.
Zajavu pra toje, što Rasijskaja Fiederacyja moža chutka zabaranić dziejnaść amierykanskaj hłabalnaj navihacyjnaj spadarožnikavaj sistemy na svajoj terytoryi niadaŭna zrabiŭ vice-premjer rasijskaha ŭrada Dźmitryj Rahozin. Jon patłumačyŭ heta tym, što amierykancy nie chočuć dazvalać dziejnaść na svajoj terytoryi anałahičnaj rasijskaj hłabalnaj navihacyjnaj spadarožnikavaj sistemy HŁONASS.
Siarhiej Huruloŭ skazaŭ, što ciapier u śviecie isnujuć čatyry padobnyja sistemy:
amierykanskaja, rasijskaja, jeŭrapiejskaja i kitajskaja. Biełaruski śpiecyjalist taksama skazaŭ, što vałtuźnia vakoł hetych sistemaŭ, na jaho dumku, nahadvaje hulniu muskułaŭ amierykancaŭ i rasijcaŭ i źviazanaja z padziejami va Ukrainie.
Na dumku staršyni dziaržkamiteta, ciapier bolš sučasnaj i daskanałaj źjaŭlajecca amierykanskaja hłabalnaja navihacyjnaja spadarožnikavaja sistema, ale spadar Huruloŭ spadziajecca, što i rasijskaja systema HŁONASS chutka padciahniecca da ŭzroŭniu amierykanskaj.
Kamientary