Łukašenkaŭski prapahandyst Novikaŭ ciapier viaščaje na rasijskim nieanacysckim kanale ŭ JUTubie
Teleprapahandyst, jaki šmat hadoŭ zambavaŭ biełaruskaha hledača, ciapier pracuje na rasijskich nieanacystaŭ. Voś jahonaja apošniaja prahrama:
Jana zroblenaja na raniejšy kapył: kaktejl z chłuśni. Novikaŭ zajaŭlaje, što Turčynaŭ nazvaŭ žycharoŭ Danbasa «niedočiełoviekami» — jon nikoli takoha nie kazaŭ. Novikaŭ havoryć, što ŭkrainskija vajskoŭcy i zachodnija najomniki abstrelvajuć Danieck i Łuhansk — nivodnaha abstrełu nie było. Kaža, što tranzit hazu ŭ Jeŭropu praz Ukrainu spynieny — jon praciahvajecca, niahledziačy na adklučeńnie hazu Ukrainie. I hetak dalej. Na BT jon, pomnicca, viaščaŭ, što ŭ Amierycy dzieci ad hoładu jaduć pacukoŭ.
Meta prahramy — raspalvańnie varožaści da ŭkraincaŭ, krain Jeŭropy i ZŠA.
Internet-kanał, na jakim Novikaŭ źmiaščaje svaje «tvory», nazyvajecca kramola.info. Litara RA ŭ naźvie vyłučanyja. Jany stajać na svastycy, vykananaj u vyhladzie stylizavanych jazykoŭ połymia. Siarod apošnich prahram kanała — «Svastyka jak znak ruskaj narodnaj kultury». I pa duchu, i pa formie — čysty nieanacyzm.
…I takija ludzi majuć trybunu na BT.
Kamientary