Miedyja-prajekt «pARTisan» zaprašaje na dyskusiju «Premija Hiedrojca: ci jość stratehija?»
U dyskusii prymuć udzieł:
Pavał Ancipaŭ (sakratar premii Ježy Hiedrojca, prazaik)
Sieviaryn Kviatkoŭski (litaratar, publicyst)
Lidzija Michiejeva (sacyjołah, daśledčyca sacyjalnaj kultury)
Aleś Płotka (paet, menedžer kulturnickich prajektaŭ),
Saša Ramanava (žurnalistka, redaktarka partała kyky.org)
Maderatarka Tania Arcimovičiu
Zaprašajem usich zacikaŭlenych. Uvachod - volny. 8 lipienia, 19:00. Kniharnia «łohvinaŬ» (pr. Niezaležnaści 37a)
Uvodziny ŭ dyskusiju. U pačatku červienia adbyłosia ŭručeńnie III Litaraturnaj Premii imia Ježy Hiedrojca. Premija, jak viadoma, zasnavanaja dla prasoŭvańnia i padtrymki biełaruskaj litaratury. Ci atrymałasia za hady isnavańnia premii pavialičyć prysutnaść biellitu na knižnym rynku?
Z adnaho boku, źjaŭleńnie premii vidavočna paŭpłyvała na kolkaść novych knih pa-biełarusku: aktyŭna stali pisacca recenzii, ładzicca sustrečy z aŭtarami. Adnak Lidzija Michiejeva, pramanitoryŭšy prysutnaść knih-pieramožcaŭ u dziaržaŭnych kramach, kanstatavała faktyčnuju ich adsutnaść i ŭvohule niaviedańnie pradaŭcoŭ pra takuju premiju. Sieviaryn Kviatkoŭski, u procivahu, raić nie zabyvacca na kantekst, u jakim vymušanaja isnavać biełaruskaja, asabliva niezaležnaja, litaratura. A mienavita, «dziaržava žyvie paralelnym ludziam śvietam, tamu šukać knihi Hiedrojca ŭ dziaržaŭnych kniharniach i rabić jakija-kolviek vysnovy prosta niedarečna».
Tym nie mienš, čamu ŭsio ž najbujniejšaja litaraturnaja premija prajšła pa-za ŭvahaju masavych medyjaŭ i nie atrymała rozhałasu? Ci možna nazvać pryčynaju takoj niaŭvahi tolki tyja ŭmovy, u jakich isnuje niezaležnaja litaratura? Ci ŭsio mahčymaje robicca dla taho, kab nabližać knihi naminantaŭ premii da masavaha čytača?
Kamientary