Šanoŭnyja siabry i kalehi!
Praciahvajecca naš vałanciorski letnik u Miry na katalickich mohiłkach. Kali majecie volny čas na hetym tydni, zaprašajem pryjechać da nas pavałancioryć, bo pracy jak zaŭsiody bolej, čym ludziej (najaŭnych čałavieka-hadzin, kali pisać biurakratyčnaj movaj). Znojdziem vam pracu pa zdolnaściach i mahčymaściach.
Mety i zadačy letnika:
- dapamahčy niešmatludnaj miascovaj parafii ŭ rasčystcy kustoŭja i burjanu na Mirskich katalickich mohiłkach 19 st.
- katałahizavać mohiłki (apisać nadhrobki, zrabić ich fotazdymki, rasčytać i zanatavać imiony, daty, epitafii)
- stvaryć mapu pachavańniaŭ (aprabujem pryviazku da GPS)
- apracavać infarmacyju dla raźmiaščeńnia na sajcie http://niekropali.by/
- pravieści cykł lekcyj (farmalnych i niefarmalnych) pa niekrapalistycy, epihraficy, mietodycy apisańnia pachavańniaŭ z tym, kab kožny z udzielnikaŭ u dalejšym moh samastojna apisać mohiłki ŭ svajoj miascovaści.
Akramia hetaha, płanujecca kulturnaja prahrama adpačynku: ekskursii, kancerty i inš.
Pracoŭny čas — 6-7 hadzinaŭ, niadziela — vychodny dzień
Možacie pryjechać dapamahčy na luby termin da kanca hetaha tydnia (13 lipienia), ale varta papiarednie ŭzhadnić z arhanizatarami.
Pryjazdžajcie sami, zaprašajcie siabroŭ (taksama praz łajki i reposty ŭ sacsietkach).
Darečy, fotki ź letnika možna pahladzieć u hrupie https://vk.com/lietnikmir
Kali vy chočacie dałučycca da dobraj spravy, ale samim nie vypadaje ŭziać udzieł u letniku ŭ hety čas, to vy možacie damahčy vałancioram inšym čynam.
Bolš padrabiaznaściaŭ — na sajcie i pa telefonie: +375291135733 (Taša).
Ciapier čytajuć
Siamju ź Minska buduć sudzić za zdradu dziaržavie i kantrabandu zbroi. Ich, padobna, zatrymali na miažy — voś što viadoma4
Kamientary