16 vieraśnia a 19.00 Pasolstva Hiermanii zaprašaje na sustreču sa Śviatłanaj Aleksijevič, jakaja ŭ 2013 hodzie atrymała Premiju miru Sajuza niamieckich knihahandlaroŭ.
U knihach Śviatłany Aleksijevič «U vajny nie žanočy tvar», «Cynkavyja chłopčyki», «Čarnobylskaja malitva», «Čas sekand-chend» nie naviazvajucca absalutnyja iściny, ale zaŭsiody ŭzdymajecca pytańnie ab ich mahčymaści, losie «absalutnych iścin» byłoj epochi i našaj adkaznaści za minułaje, sučasnaje i budučaje.
Nakolki litaratura siońnia moža być instrumientam asensavańnia hramadstva i fiksavać hałasy tych, čyj vopyt časta «rastvarajecca» u vialikaj historyi? Ab čym varta siońnia havaryć i pisać u pieršuju čarhu: ab humaniźmie, historyi, nacyi, marali, kachańni, nianaviści, pryvatnym žyćci, jeŭrapiejskich kaštoŭnaściach abo biełaruskaj aŭtentyčnaści?
Sustreča sa Śviatłanaj Aleksijevič projdzie ŭ farmacie volnaj dyskusii.
Maderatar dyskusii: Alaksiej Bratačkin, kiraŭnik kancentracyi «Publičnaja historyja» Jeŭrapiejskaha kaledža Liberal Arts u Biełarusi.
Pasolstva Hiermanii ŭ Minsku, Instytut imia Hiote ŭ Minsku,
CECH, pr. Niezaležnaści, 58, korpus 6.
Ciapier čytajuć
«Sojevyja ekstremisty pavinny adpracavać misku kłubnic». Skardziŭsia na ŭmovy pracy ŭ KDB, a ciapier uciuchvaje treninhi siłavikam — chto taki Anton Šabunievič1919
Kamientary