Adzin z kiraŭnikoŭ kampanii Google Ałan Justas ździejśniŭ skačok z vyšyni ŭ 41 000 mietraŭ, dzie pralahaje vierchniaja miaža strataśfiery, pabiŭšy rekord aŭstryjca Fieliksa Baŭmhartniera.
57-hadovy Justas, jaki zajmaje ŭ Google pasadu staršaha vice-prezidenta pa pytańniach viedaŭ padniaŭsia ŭ admysłovym aerastacie i skafandry ŭ vierchnija słai atmaśfiery nad Rośviełam (štat Ńju-Mieksika) za dvie z pałovaj hadziny, pravioŭ tam kala paŭhadziny, paśla čaho skoknuŭ uniz.
Praz 90 siekund svabodnaha padzieńnia jon pieravysiŭ chutkaść huku, paviedamlaje sajt aeranaŭta.
Kala piaci chvilin Justas znachodziŭsia ŭ svabodnym palocie, paśla čaho raskryŭ parašut i miakka spuściŭsia na ziamlu.
Papiaredni rekord takoha rodu byŭ ustalavany Fieliksam Baŭmhartnieram u 2012 hodzie, jon skakaŭ z vyšyni 38 969 mietraŭ.
Skačok byŭ častkaj prajekta karparacyj Paragon Space Development, jaki maje svajoj metaj vyvučeńnie strataśfiery na ŭzroŭni vyšej za 30 tys. mietraŭ.
Justas, jaki źjaŭlajecca taksama piłotam i parašutystam, płanavaŭ hety skačok na praciahu niekalkich hadoŭ.
Pa słovach karespandenta Bi-bi-si ŭ Łos-Andželesie Devida Uilisa, Justas realizavaŭ svoj prajekt biez dapamohi sponsaraŭ i sa značna mienšaj pompaj, čym heta zroblena Baŭmhartnieram, čyj skačok dva hady tranślavaŭsia ŭ internecie.
Ciapier čytajuć
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim10
«Vielmi dobra razumieju biełaruskuju movu. Navat nie dumaŭ». Źjaviłasia VIDEA razmovy biełaruskich palitviaźniaŭ ź Zialenskim
Babaryka i Kaleśnikava pahavaryli ź Inhaj Ruhinienie i zaklikali Litvu «dałučycca da dypłamatyčnych namahańniaŭ ZŠA» i «nie prapuścić akno mahčymaściej»3232
Kamientary