10 śniežnia. 18.30. CECH (pr-t Niezaležnaści, 58/6).
Mižnarodny kansorcyum «JeŭraBiełaruś», Latučy ŭniviersitet i «Biełaruski žurnał» zaprašajuć na adkrytuju lekcyju viadomaha biełaruskaha žurnalista Andreja Pačobuta «Terytoryja supraćstajańnia. Krainy Uschodniaha partnerstva pamiž «ruskim śvietam» i jeŭraintehracyjaj».
«Ukrainski kryzis» staŭ pikam kanfliktu dvuch cyvilizacyjnych pierśpiektyvaŭ i pastaviŭ pad sumnieŭ bazavyja pryncypy suisnavańnia ŭ śviecie, u jakim my žyli apošnija paŭstahodździa. Nichto siońnia nie viedaje, čym usio skončycca, jakim budzie naš śviet u budučyni. Jak spryčyniłasia da hetaha kryzisa inicyjatyva Uschodniaha partnerstva? Jaje stvaralniki ŭparta padkreślivali, što jana nie maje antyrasiejskaha charaktaru, ale hetyja śćvierdžańni nie paŭpłyvali na žadańnie rasiejskich uładaŭ kantralavać žyćcio ŭ susiednich krainach.
Čym jeŭrapiejskaja inicyatyva Uschodniaha partnerstva tak napałochała Maskvu? Ci možna było paźbiehnuć kanflikta dvuch intehracyjnych prajektaŭ, jeŭrapiejskaha dy jeŭrazijskaha, ci hety kanflikt byŭ nakanavany? Jakija kaštoŭnaści dy pierśpiektyvy prapanujuć hetyja dva prajekty krainam byłoha SSSR? Jak ukrainskija padziei paŭpłyvali na intehracyjnyja prajekty, i jak reahujuć na hetyja padziei krainy Uschodniaha parterstva? I jakija mahčymaści da manioŭru jość u Biełarusi? Pra hetyja sutnasnyja pytańni razvažaje ŭ svajoj lekcyi Andrej Pačobut.
Adkrytaja lekcyja Andreja Pačobuta «Terytoryja supraćstajańnia. Krainy Uschodniaha Partnerstva pamiž «ruskim śvietam» i jeŭraintehracyjaj» adbudziecca 10 śniežnia na placoŭcy «CECH» (pr-t Niezaležnaści, 58/6).
Na sajcie Latučaha ŭniviersiteta možna budzie dałučycca da anłajn-tranślacyi lekcyi.
Pačatak u 18.30. Uvachod volny!
Mierapryjemstva adbudziecca ŭ miežach cykła adkrytych lekcyj «Hałoŭnaje pytańnie», pieršaja častka jakoha prajšła ŭ vieraśni-kastryčniku hetaha hoda. Kali ŭ «pieršym siezonie» pra «hałoŭnyja pytańni» razvažali siabry Kalehiŭma Latučaha Ŭniviersiteta – intelektuały, navukoŭcy dy daśledčyki, to hetym razam my zaprasili da ŭdziełu pradstaŭnikoŭ adnoj z samych dynamičnych dy pradlemnych śfier – śfiery miedya, srodkaŭ masavaj infarmacyi dy kamunikacyi.
Kab nie płacić padatak na sabak, minčuki pačali zdavać ich u punkty adłovu25
Kamientary