Jak Majsiej pravioŭ svoj narod praz mora (i taki vody sapraŭdy mahli razyścisia!)
Ci mahli vody Čyrvonaha mora razyścisia, kab prapuścić jaŭrejski narod da Paleściny? Tearetyčna mahli, piša akijanołah Brus Parkier na sajcie Wall Street Journal.
Adzin z samych viadomych epizodaŭ Staroha zapavietu, zychod jaŭrejaŭ ź Jehipta, chutka źjavicca na vialikim ekranie: stužka «Zychod: Cary i Bohi» vychodzić u prakat 1 studzienia. Stužka Rydli Skota («Čužy», «Hładyjatar», «Biahučy pa lazie») pretenduje na «realistyčny» pakaz biblejskich padziej. U joj nie Boh i nie Majsiej raźvioŭ vody mora: taki efiekt stvaryła cunami, vyklikanaje ziemlatrusam.
Trejler filma «Zychod: Cary i Bohi»:
Cunami nasamreč «ahalajuć» bierah pierad tym, jak na jaho abryniecca ściana vady. Ale ŭ pryrodzie takaja źjava doŭžycca paru chvilin. Dy i ŭ Majsieja nie było srodkaŭ dla pradkazańnia ziemlatrusaŭ i cunami. Biez boskaj padkazki nie abyścisia navat u scenary Rydli Skota.
Ale jość i tłumačeńnie biez cudaŭ.
Jano ŭklučaje naturalnuju dla pryrody źjavu, jakuju Majsiej moh pradkazać dy ŭklučyć u hienijalny płan uciokaŭ. U niekatorych miescach na našaj płaniecie adlivy nasamreč mohuć «ahalać» marskoje dno na niekalki hadzin.
Padobnaj źjavaj u 1798 hodzie skarystaŭsia Napaleon Banapart. Jon pierachodziŭ Suecki zaliŭ amal tam, dzie, kali vieryć padańniam, prachodziŭ Majsiejeŭ narod. Adrezak marskoha dna daŭžynioj u milu nasamreč «ahaliŭsia» pierad pałkavodcam, ale raptoŭny pryliŭ ledź nie patapiŭ vojska, što chacieła «zrezać» darohu.
Majsiej moh viedać pra adlivy i prylivy i pradkazvać ich pa Miesiacy na načnym niebie.
Takich navykaŭ chutčej za ŭsio nie mieli vojski faraona, što hnalisia za Majsiejevym narodam. Jany mahli kinucca naŭzdahon — ale im mahło paščaścić mieniej, čym vojskam Napaleona.
Jość śviedčańni taho, što uzrovień mora ŭ Sueckim zalivie byŭ vyšejšy u časy Majsieja. Vada mahła dachodzić dalej na poŭnač, a adlivy mahli być macniejšymi. Nie takim i pierabolšvańniem mahła być ściana vady, što abrynułasia na jehipcian.
Rymski historyk Jeŭsievij Kiesaryjski pryvodzić dźvie viersii pierachodu jaŭrejaŭ praz Čyrvonaje mora. Adna, raspaviedzienaja žycharami Hieliopala, paŭtaraje biblejskuju historyju. Druhaja, raspaviedzienaja žycharami Miemfisa, kaža, što znajomy ź miascovaściu Majsiej naŭmysna čakaŭ adlivu, kab pravieści ludziej pa dnie mora.
Ciapier čytajuć
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary15
Rasijanie sapraŭdy stali čaściej kuplać nieruchomaść u Biełarusi? Voś što raskazvajuć ryełtary
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»1111
Basist «Piatli», jaho 18‑hadovy syn i zorka «Raźbitaha serca pacana» — raskazvajem pra biełaruskamoŭny hurt Prypiać, jaki prezientavaŭ aŭtarskuju «Kałychanku»11
Niebaraka ź Lachavičaŭ źnik «na SVA» ŭžo na treci dzień, a ŭ baraćbie za hrabavyja sčapilisia siastra, sužycielka i žonka — z čatyrma dziećmi, ale čužymi88
Kamientary