Biełarus ci amierykaniec? Stali viadomyja kandydaty na pasadu rektara EHU
Vyłučeńnie Alaksandra Milinkieviča (źleva) źmianiaje, zdavałasia b, pradvyznačanuju chadu vybaraŭ novaha rektara EHU.
Jeŭrapiejski humanitarny ŭniviersitet budzie vybirać rektara. Jak stała viadoma «Našaj Nivie» z krynicy ŭ EHU, siarod kandydataŭ — 66-hadovy Devid Polik (ZŠA), vykanaŭca abaviazkaŭ rektara EHU, 67-hadovy fizik Alaksandr Milinkievič — adzin ź lidaraŭ biełaruskaj hramadzianskaj supolnaści, 56-hadovy historyk Aleś Kraŭcevič — były prarektar Hrodzienskaha ŭniviersiteta, 44-hadovaja fiłosaf Taćciana Ščytcova, vykładčyca EHU, redaktarka jaho časopisa «Topos».
Vybirać rektara budzie Usieahulny schod suzasnavalnikaŭ. U im udzielničajuć arhanizacyi, jakija spryjali ŭznaŭleńniu dziejnaści EHU ŭ Vilni paśla jaho zakryćcia ŭ Minsku. U skład Usieahulnaha schodu ŭvachodziać Instytut mižnarodnaj adukacyi (Litva), Fond «Adkrytaje hramadstva» (bolš viadomy jak Fond Sorasa, ZŠA) i Fond «Jeŭrazija» (ZŠA).
Jak bačym, na pasadu rektara ŭniviersiteta ŭ vyhnańni pretendujuć jak biełarusy, tak i «varah». Ad taho, chto stanie rektaram, budzie zaležać stratehija jaho dalejšaha raźvićcia.
«Naša Niva» zapytałasia ŭ studentaŭ i vykładčykaŭ univiersiteta, što budzie na vybarach i paśla vybaraŭ. Čytajcie artykuł u siońniašnim numary papiarovaha tydniovika «Naša Niva».
* * *
Budučynia EHU — važnaje pytańnie dla ŭsiaho hramadstva. Biełarusi patrebny niezaležny ŭniviersitet! Jak kaliści Carskasielski licej u Rasii ci Vilenski ŭniviersitet u byłoj Rečy Paspalitaj XIX st., adzin efiektyŭny niezaležny ŭniviersitet moža zrabić stolki ž, jak sto zvyčajnych. Tamu i vybary rektara EHU — krajnie važny momant. Pišycie nam, vykazvajciesia, jakoj Vy bačycie budučyniu EHU. My hatovyja apublikavać Vašy dopisy.
Apytanka
Ciapier čytajuć
Mužčyna ŭ minskim mietro łapaŭ dziaŭčat, z vyhladu padletkaŭ, i pakazvaŭ im pachabnyja žesty. Jaho zatrymali7
Kamientary