Škoła maładych mieniedžaraŭ publičnaha administravańnia abjaŭlaje šosty nabor słuchačoŭ
Mižnarodnaja aśvietnickaja prahrama «Škoła maładych mieniedžaraŭ publičnaha administravańnia» abjaŭlaje čarhovy nabor słuchačoŭ.
Prahrama nakiravana na farmiravańnie ŭ Biełarusi supolnaści maładych ludziej, kampietentnych u śfiery dziaržaŭnaha kiravańnia na roznych uzroŭniach.
Da ŭdziełu ŭ prahramie zaprašajucca metanakiravanyja ludzi va ŭzroście 25—40 hadoŭ, jakija pastajanna pražyvajuć u Biełarusi, majuć vyšejšuju adukacyju, vałodajuć anhielskaj movaj, zaniatyja ŭ śfierach dziaržaŭnaha kiravańnia, adukacyi, sacyjalnaj pracy, a taksama ŭ biznesie, hramadskich arhanizacyjach i palityčnym žyćci.
Arhanizacyjna prahrama składajecca z čatyroch vočnych navučalnych siesij i mižsiesijnaj pracy ŭdzielnikaŭ, jakaja ŭklučaje samastojny analiz materyjałaŭ siesij, udzieł u kruhłych stałach z pradstaŭnikami biełaruskaj ekśpiertnaj supolnaści, palitykami i dypłamatami, a taksama praviadzieńnie prezientacyj pa tematycy škoły dla «adnakłaśnikaŭ».
Prahrama sfakusavanaja na aktualnaj dla Biełarusi prablematycy i mahčymaści ŭžyć atrymanyja navyki ŭ halinie publičnaha administravańnia. Udzielniki atrymlivajuć viedy ŭ śfiery palitałohii, ekanomiki, rehijanalnaha raźvićcia, miascovaha samakiravańnia, pryvatna-dziaržaŭnaha partniorstva, elektronnaha kiravańnia, pracy sa ŚMI i hramadskaj dumkaj, instytutaŭ ES.
Vykładčykami škoły źjaŭlajucca viadomyja navukoŭcy — ekanamisty, palitołahi, sacyjołahi, žurnalisty, śpiecyjalisty pa publičnym administravańni ź Biełarusi, Hruzii, Litvy i Šviecyi, a taksama mižnarodna pryznanyja ekśpierty ź inšych dziaržaŭ.
Rabočyja movy škoły: anhlijskaja, biełaruskaja, ruskaja.
Kryteryi adboru ŭdzielnikaŭ:
• uzrost ad 25 da 40 hadoŭ;
• vyšejšuju adukacyju;
• vałodańnie anhielskaj movaj na ŭzroŭni razumieńnia tekstaŭ, pracy i ŭdziełu ŭ dyskusijach;
• hramadzianskaja aktyŭnaść: siabroŭstva ŭ hramadskich abjadnańniach, partyjach, prafiesijnych sajuzach i h.d.;
• hatoŭnaść udzielničać va ŭsich vidach dziejnaści škoły: vočnych siesijach, sieminarach, kruhłych stałach i inšych vidach mižsiesijnaj pracy;
• lidarskija jakaści, kamunikabielnaść, kreatyŭnaść.
Zajaŭki na ŭdzieł u prahramie prymajucca pa adrasie [email protected] da 24:00 5 lutaha.
Zajaŭka zapaŭniajecca na anhlijskaj movie. Forma zajaŭki prykładajecca.
Kamientary