Kiraŭnik Čačni Ramzan Kadyraŭ dazvoliŭ kiraŭniku Nažaj-Jurtaŭskaha RAUS Nažudu Hučyhavu ŭziać sabie ŭ jakaści druhoj žonki 17-hadovuju školnicu. Jak piša «Novaja hazieta», u efiry miascovaha telebačańnia Kadyraŭ paviedamiŭ, što jon daručyŭ spytać, ci zhodnyja baćki dziaŭčynki na viasielle, i vyśvietliŭ, što ŭ ich niama piarečańniaŭ. Ci vyśviatlali mierkavańnie samoj dziaŭčynki, kiraŭnik Čačni nie ŭdakładniŭ.
30 krasavika «Novaja hazieta» paviedamiła, što 46-hadovy Nažud Hučyhaŭ vyrašyŭ siłaj uziać u žonki 17-hadovuju Chiedu Hajłabijevu ź siała Bajtarki. Jon pryhraziŭ siamji raspravaj i paabiacaŭ zabrać dziaŭčynu 2 maja. Na ŭjezdach u siało Hučyhaŭ, pa dadzienych vydańnia, rasstaviŭ błokposty, kab jaho vybrańnica nie źbiehła. Žurnalistka haziety Alena Miłašyna pisała, što ab hetaj historyi joj stała viadoma ad susiedziaŭ siamji Hajłabijevych.
U toj ža dzień, 30 krasavika, Miłašynaj udałosia parazmaŭlać pa telefonie z načalnikam RAUS. Toj, pa słovach žurnalistki, zapeŭniŭ jaje, što ŭ jaho ŭžo jość žonka, a z Chiedoj Hajłabijevaj jon navat nie znajomy. Adnak 7 maja vyśvietliłasia, što historyja dajšła da Kadyrava, i jon navat u jaje ŭmiašaŭsia.
Pavodle dadzienych «Novaj haziety», viasielle adbudziecca 10 maja. Na jaho zaprošany Kadyraŭ.
Dvajaženstva zabaroniena zakanadaŭstvam Rasii. Šlubny ŭzrost u Rasii — 18 hadoŭ. U vyklučnych vypadkach šlub možna zaklučyć z 16 hadoŭ.
Takim čynam, pa sutnaści, Nažud Hučyhaŭ biare 17-hadovuju školnicu ŭ paluboŭnicy. Pryčym heta nie pieršaja jaho sproba. Niekatory čas tamu žychary Nažaj-Jurtaŭskaha rajona vymušanyja byli vyvieźci z Čačni svaju dačku («Novaj haziecie» viadoma imia hetaj dziaŭčyny), kab nie dapuścić jaje viasiella z usiasilnym kiraŭnikom miascovaha RAUS.
Ramzan Kadyraŭ nieadnarazova zaklikaŭ zrabić šmatžonstva ŭ Čačni lehalnym. «U nas u Čačni žančyn bolš, čym mužčyn. Ale ŭsie jany pavinny być uładkavanyja ŭ žyćci. Šmatžonstva dazvalajuć našy zvyčai, naša relihija», — kazaŭ jon u 2009 hodzie.
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci3
Siłaviki raskazali, jak hrodzienskija błohiery tracili miljon, sabrany nibyta na lačeńnie dziciaci
«Narod pamiraje, i balnic nie treba. Hałoŭnaje prezidenckaja i deputackaja!!!». Što ludzi pišuć pra zakryćcio reabilitacyjnaha centra na Homielščynie1010
Kamientary