Cichi abvał: VUP Biełarusi ŭ studzieni—krasaviku źniziŭsia na 2,6%
Biełaruskaja ekanomika nie pieražyła padzieńnia cenaŭ na naftu.
Vytvorčaść pramysłovaści ŭpała na 7,5%. A kapitalnyja inviestycyi — na 5,9%. Dziaržaŭnyja ŚMI nie akcentujuć na hetych pakazčykach uvahi. Miž tym heta pakazčyk krajniaj syravinnaj zaležnaści biełaruskaj haspadarki. Padzieńnie cenaŭ na naftu pastaviła ekanomiku našaj krainy ŭ horšaje stanovišča, čym navat rasijskuju.
Navat Biełstat, źviestki jakoha niaredka zhładžvajuć situacyju, hetym razam niesuciašalny.
Vałavy ŭnutrany pradukt Biełarusi ŭ studzieni—krasaviku 2015 hoda źniziŭsia na 2,6% i skłaŭ 253,92 trłn rubloŭ, paviedamiŭ Nacyjanalny statystyčny kamitet.
Vytvorčaść pramysłovaj pradukcyi ŭ hety pieryjad źniziłasia na 7,5% da 229,8 trłn rubloŭ. Dola inavacyjnaj pradukcyi ŭ ahulnym abjomie adhružanaj pradukcyi skłała 12,7% suprać 14,7% letaś.
Vyras tolki vypusk sielhaspradukcyi vyras na 4,8% da 25,6 trłn rubloŭ. Heta dziakujučy dobraj kańjunktury na rasijskim rynku ŭ vyniku sankcyjnaj vajny Rasii z Zachadam.
Inviestycyi ŭ asnoŭny kapitał źnizilisia na 5,9% da 60,8 trłn rubloŭ.
Hod abiacaje być ciažkim dla biełaruskaj haspadarki i nadalej. I nad samoj dziaržaŭnaściu pa-raniejšamu visić damokłaŭ mieč poŭnaj zaležnaści ad Rasii, jakuju abumoŭlivaje isnaja sacyjalna-ekanamičnaja madel.
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ8
Chto taja biełaruska, jakuju ekstradavali ŭ ZŠA dla suda za kantrabandu detalaŭ dla samalotaŭ
«Kab Biełaruś nie addali Pucinu ŭ jakaści suciašalnaha pryza». Cichanoŭskaja zaklikaje ŭklučyć biełaruskaje pytańnie ŭ mirnyja pieramovy Ukrainy i Rasii3434
Kamientary