«Lapis Trubiacki» i Tonqixod nazvanyja favarytami Rock Profi 2015
Uručeńnie ŭznaharod i ŭračysty kancert premii Rock Profi 2015 projduć 28 maja ŭ bary «Chulihan».
Arhanizatary premii Rock Profi nazvali naminantaŭ 2015 hoda. Siarod ich jość vykanaŭcy i hurty, što pazmahajucca ŭ niekalkich naminacyjach.
Tonquixod i ŭžo niaisny «Lapis Trubiacki» pradstaŭlenyja adrazu ŭ troch naminacyjach. Pa dźvie naminacyi ŭ Lavona Volskaha, Akute, The Toobes i «Sieriebrianoj Svad́by».
Uručeńnie premii adbudziecca 28 maja ŭ bary «Chulihan» razam ź vialikim kancertam, u miežach jakoha vystupiać «Virus licha», «Nosorohov & Ko», Nizkiz, Harotnica. Pačatak a 20 hadzinie. Kvitki ad 80 da 100 tysiač pradajucca ŭ bary «Chulihan».
U žury premii ŭvachodziać biełaruskija muzyki, jakija vydali paŭnafarmatnyja albomy ciaham apošnich 2012-2014 hadoŭ. U hałasavańni ŭziali ŭdzieł bolš za 60 hurtoŭ i solnych artystaŭ. U pieršym tury na razhlad patrapiła 39 albomaŭ i bolš za 100 piesień, vydadzienych u vyhladzie sinhłaŭ i klipaŭ. Lidary hałasavańnia stali naminantami i patrapili ŭ druhi tur. Arhanizatary ŭznaharod — studyja «Osmos» i sajt Experty.by.
Poŭny śpis naminantaŭ u ałfavitnym paradku:
«Najlepšy albom»: Akute «Realnaść i sny», Lavon Volski «Hramadaznaŭstva», The Toobes «Road To The Big Time», Tonqixod «Pradmova».
«Najlepšy zapis«: Lapis Trubiacki «Matrioška», Port Mone «Thou», The Toobes «Road To The Big Time», Tonqixod «Pradmova».
«Najlepšaja pieśnia«: Lavon Volski «Šeraja kroŭ», Lapis Trubiacki «Voiny śvieta», Nizkiz «Ciapier i dalej», Sieriebrianaja svad́ba «Ag».
«Debiut hoda«:.K, Earworm, Tonqixod, U.G.oslavia.
«Artyst hoda«: Akute, Daj dorohu, Lapis Trubiacki, Sieriebrianaja svad́ba.
Ciapier čytajuć
«Kali šandarachnie pa ciahniku, chto budzie lidaram demsił?» Dva dni z delehacyjaj Cichanoŭskaj u Kijevie — što zastałosia za kadram30
Kamientary