Pra heta novy staršynia Kanfierencyi katalickich biskupaŭ Biełarusi, arcybiskup Tadevuš Kandrusievič zajaviŭ u intervju dla catholic.by.
Mitrapalit Kandrusievič zaŭvažyŭ, što Katalicki Kaścioł robić šmat dla papularyzacyi biełaruskaj movy:
«Katalicki Kaścioł zrabiŭ vielmi šmat. U nas pierakładzieny i vydadzieny ŭsie liturhičnyja knihi, fundamientalnyja teksty, dakumienty Druhoha Vatykanskaha Saboru. Padčas padrychtoŭki apošniaha źjaviłasia novaja terminałohija, bo padčas pierakładu mnohich słoŭ nie isnavała ŭ biełaruskaj movie. Vielmi chutka ŭ nas pierakładajucca encykliki, što źjaŭlajecca ŭkładam nie tolki ŭ žyćcio Kaścioła, ale i ŭ biełaruskuju kulturu, bo heta kultura abahačajecca relihijnym źmiestam.
Jak usprymaje biełaruskuju movu hramadstva –— inšaja sprava. My bačym, što ŭ krainie isnuje nie takaja vialikaja kolkaść biełaruskamoŭnych škoł i himnazij. Ja sustrakajusia sa studentami, z razmovy ź jakimi mahu zaŭvažyć, što isnuje niedachop u vykładańni pradmietaŭ na biełaruskaj movie.
Ale z boku Kaścioła my robim usio mahčymaje, bo, naprykład, nabaženstvy ŭ nas pravodziacca ŭ asnoŭnym na biełaruskaj movie».
Ciapier čytajuć
Pamiatajecie Taćcianu Zareckuju, jakaja sa skandałam zvalniałasia z Kabinieta Cichanoŭskaj? U Estonii jaje padazrajuć u machlarstvie48
Kamientary