Jakim maje być biełaruski vypuskny: VIDEA i FOTA z 23-j himnazii Minska
12 červienia ŭ 23-j himnazii h. Minska prajšoŭ vypuskny viečar. Adukacyjnaja ŭstanova maje asablivy status: u himnazii całkam biełaruskamoŭnaje vykładańnie. Biełaruskaja mova, nacyjanalnyja stroi i pieśnia Volskaha ŭ videarepartažy Našaj Nivy.
Niekatoryja vypuskniki i baćki apranuli nacyjanalnyja stroi, vypuskny viečar išoŭ na biełaruskaj movie. Paŭsiul viejała biełaruskaściu, atmaśfiera vypusknoha balu była vielmi ciopłaj i pryjaznaj.
Kali apisać vypuskny viečar adnym słovam, to heta — ščyraść. Vučni vielmi lubiać svaju kłasnuju kiraŭnicu, svaich nastaŭnikaŭ, svaju himnaziju. Ślozy kacilisia pa ščokach, heta byli ščyryja i sapraŭdnyja ślozy vypusknikoŭ, baćkoŭ, nastaŭnikaŭ. Pryjaznaja atmaśfiera — honar dla kožnaha kalektyvu. Kali hladziš na hetych vypusknikoŭ, prychodziš da razumieńnia, što ŭ hetaj himnazii ŭsio atrymałasia.
Treba adznačyć, što biełaruskaja mova hučała nie zavučanaj, nie naciahnutaj, a miłahučnaj, uzornaj i pryhožaj. Takuju pavahu da rodnaj movy i historyi pabačyš nie štodzionna i nie paŭsiul.
Voś, naprykład, dziaŭčaty-vypusknicy apranuli nacyjanalnyja stroi na vypuskny.
«Na apošni zvanok my zamaŭlali vypusknyja stužki z nacyjanalnym arnamientam ad symbal.by, a na vypuskny viečar vyrašyli apranuć sukienki z nacyjanalnym arnamientam».
A voś siamja, jakaja z honaram apranuła vyšyvanki na vypuskny svajoj dački.
«My 11 hadoŭ rychtavalisia da vypusknoha, i, raz bo my biełarusy, — apranuli vyšyvanki».
Vypuskny pakinuŭ vielmi dobryja ŭražańni i tamu chaciełasia pažadać budučym studentam, a paśla śpiecyjalistam, sačyć za svaimi ŭčynkami, imknucca nie rabić pamyłak i znajści svajo miesca ŭ žyćci!
Minčanka Anhielina, jakaja prasiła ŭ Łukašenki kvateru za trojniu, atrymała žyllo18
Kamientary