180 sm!
Archieołahi znajšli paćvierdžańnie sapraŭdnaści pareštak Filipa II, baćki Alaksandra Makiedonskaha. Pra ich daśledavańnie jany raspaviali ŭ časopisie Proceedings of the National Academy of Sciences.
Filip II Makiedonski byŭ kulhavy na levuju nahu, mieŭ skryŭleńnie šyi, a taksama šalony dla svajho času rost u 180 sm. Jon moh być chiba nie samym vysokim makiedoncam taho času.
Jaho słavuty syn, Alaksandr Makiedonski, byŭ nievysokim — mierkavana, kala 150 sm.
Na siońnia viadoma try hrabnicy pad horadam Viarhina (Hrecyja), u jakich mohuć znachodzicca reštki Filipa II. Bolšaja častka archieołahaŭ schilałasia da bahataj hrabnicy z reštkami mužčyny i žančyny. Ale niekatorych śpiecyjalistaŭ naściarožvała, što pachavany ŭ joj mužčyna nie maje śladoŭ traŭmy, jakuju Filip II atrymaŭ u 339 hodzie da n.e.
Analiz anatomii i ŭzrostu reštak pakazaŭ, što Filip II pachavany ŭ inšaj hrabnicy razam z žančynaj i dziciom. Mužčyna jakraz kulhaŭ na levuju nahu (pra heta kaža mocna defarmavany kalenny sustaŭ, a taksama defarmavanaja patyličnaja kostka — jamu prychodziłasia schilać hałavu na bok padčas chady), pamior va ŭzroście kala 45 hod (žančyna — kala 18 hod, dzicio — amal adrazu pa naradžeńni).
Heta padobna da histaryčnych śviedčańniaŭ: Filip II byŭ zabity svaim achoŭnikam paśla taho, jak kinuŭ žonku i ažaniŭsia z maładoj dziaŭčynaj.
Nastupnyja daśledavańni pareštak mohuć raspavieści, jak Filip II lekavaŭ ranu, čym charčavaŭsia i ad čaho nasamreč pamior.
Filip II ličycca zasnavalnikam pieršaj «adzinaj Hrecyi» — mahutnaj Makiedonskaj dziaržavy, vakoł jakoj abjadnaŭ Karynfski sajuz haradoŭ-dziaržaŭ dziela ataki na Piersiju. Zachapić Piersiju i stvaryć ahromnistuju impieryju zmoh užo jaho syn, Alaksandr Makiedonski.
-
«Jak Volski prychodziŭ ź pieratrusam da Kołasa, a Krapiva i Hlebka danosili na kaleh». Apublikavanyja žachlivyja ŭspaminy Ryhora Biarozkina pra represii 1920—1940-ch
-
Li Kuan Ju: jak za adno pakaleńnie ćviordaj rukoj vyvieści maładuju krainu ŭ suśvietnyja lidary
-
Tyzienhaŭzy suprać Radziviłaŭ: dachodziła da pramysłovaha špijanažu
Ciapier čytajuć
U Minsku zaviaršyli budaŭnictva piacizorkavaha hatela na miescy kolišniaha «Biełekspa»9
U Minsku zaviaršyli budaŭnictva piacizorkavaha hatela na miescy kolišniaha «Biełekspa»
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»1010
«Fury raściahnulisia na kiłamietry. Stajać uzdoŭž darohi — prosta, bokam. Stajać u poli». Vidavočca raskazaŭ pra situacyju pierad «Kamiennym Łoham»10
Sumleńnie, kachańnie, koły piekła i halivudski finał. U siamji budaŭnika i biblijatekarki z Pružanskaha rajona Ihara i Julii Łaptanovičaŭ aryštavali spačatku jaho, paśla — jaje, a paśla i babulu33
Kamientary