Seks-impieryja Epštejna mahła być prajektam KDB dla zboru kampramatu na suśvietnych lidaraŭ
Seksualnaja impieryja Epštejna była «miadovaj pastkaj KDB»: finansist-piedafił moh pracavać na Maskvu i źbirać kampramat na pradstaŭnikoŭ suśvietnych elitaŭ, piša Daily Mail.
Brytanskaja hazieta Daily Mail sa spasyłkaj na krynicy ŭ vyviednaj supolnaści śćviardžaje, što Džefry Epštejn moh być častkaj maštabnaj śpiecapieracyi Maskvy. Pavodle viersii vydańnia, jon zavoziŭ u ZŠA maładych žančyn z Rasii, kab ładzić «miadovyja pastki» dla palitykaŭ, miljarderaŭ i pradstaŭnikoŭ karaleŭskich damoŭ, a fota i videa zatym akazvalisia ŭ rasijskich śpiecsłužb.
U novych fajłach Epštejna naličyli tysiačy zhadak, źviazanych z Rasijaj: imia Uładzimir Pucin fihuruje bolš za tysiaču razoŭ, Maskva — amal dziesiać tysiač. U pierapiscy Epštejn, pavodle źviestak Daily Mail, vychvalaŭsia pramym dostupam da Kramla navat paśla prysudu 2008 hoda.
U adnym ź listoŭ 2010 hoda jon pytaŭsia, ci varta «padklučyć siabra Pucina» dla raźviazańnia vizavaha pytańnia, a taksama zhadvaŭ nibyta zapłanavanyja sustrečy z Pucinym u 2011 hodzie. Paćvierdžańniaŭ, što takija sustrečy realna adbylisia, niama.
Padobnyja padazreńni hučać nie ŭpieršyniu. Amierykanski žurnalist Kreh Unhier pisaŭ u knizie «Amierykanski kampramat», što Epštejn moh karystacca pasłuhami rasiejskich sutenioraŭ, a FSB — atrymlivać z zapisaŭ ź jahonych viečarynak materyjał dla šantažu ŭpłyvovych ludziej, piša BILD.
Ciapier čytajuć
U Biełarusi znajšli kopiju šviejcarskich Alpaŭ — ale turystaŭ tam nie čakajuć2
Kamientary
Ale Naša Niva ŭsio dalej praciahvaje ličyć izrailskija intaresy važniejšyja za biełaruskija. Dyk čamu ŭ Našaj Nivie TAKAJA dyspraparcyjanalnaja kolkaść navinaŭ, jakaja admazvaje i abialaje Izrail?