Rasijski sud aštrafavaŭ maskviča za publikacyju ŭ sacyjalnych sietkach fatahrafii hurta Queen sa zdymak klipa «I Want to Break Free», dzie muzykanty źjavilisia ŭ žanočym adzieńni.
Žychara Maskvy Davida Hievandziana aštrafavali pa artykule ab «prapahandzie ŁHBT» za fota, na jakim — pieraapranutyja ŭ žanočaje adzieńnie ŭdzielniki hurta Queen padčas zdymak klipa na pieśniu «I Want to Break Free». Takuju infarmacyju «Viorstka» vyjaviła ŭ rašeńni Masharsuda, jaki razhledzieŭ apielacyju Hievandziana.
Raniej stała viadoma pra čatyry administracyjnyja pratakoły, składzienyja na 21‑hadovaha Hievandziana za «prapahandu ŁHBT», i pryznačany pa kožnym ź ich štraf u 100 tysiač rasijskich rubloŭ (kala 1300 dalaraŭ).
Hievandzian pasprabavaŭ asprečyć rašeńnie suda. Ale biezvynikova. U rašeńni suda paznačana, što vyjava nibyta «farmiruje stanoŭčaje staŭleńnie da nietradycyjnych adnosin» i «razburaje siamiejnyja kaštoŭnaści».
Arhumient ab tym, što heta kadr ź viadomaha muzyčnaha klipa, sud adchiliŭ, zajaviŭšy, što ŭ zdymka «niama muzyčnaj padaploki».
Kamientary