Kiery ŭ Havanie, nad pasolstvam ZŠA ŭpieršyniu ad 1961 hoda ŭźniaty amierykanski ściah
Praciahvajecca narmalizacyja adnosin miž zaklatymi vorahami.
Kamunistyčnaja Kuba prapanavała Savieckamu Sajuzu raźmiaścić nastupalnuju zbroju ŭ niepasrednaj blizkaści ad bierahoŭ ZŠA. Vašynhton staŭ traktavać Havanu jak voraha. Adnosiny miž krainami byli zamarožanyja na doŭhija hady.
Ambasada ZŠA na vostravie była zakrytaja.
I navat paśla taho jak adnosiny adnavilisia, jany mieli abmiežavany charaktar. U dźviuch krainach adkrylisia «siekcyi intaresaŭ», jany pracavali pad ehidaj Šviejcaryi i nie mieli statusu pasolstva.
Amierykanskuju misiju ŭ Havanu achoŭvała nievialičkaja hrupa šviejcarskich vartavych.
Narmalizacyja adnosin raspačałasia tolki ŭ 2014 hodzie, u vyniku pieramovaŭ Baraka Abamy i Raula Kastra, pry pasiarednictvie Vatykana.
U vyniku 14 žniŭnia dziaržsakratar ZŠA Džon Kiery aficyjna adkryŭ amierykanskaje pasolstva ŭ Havanie. Try byłych marskich piechacincy, jakija źniali ściah ZŠA nad pasolstvam ŭ 1961 hodzie, byli zaprošany, kab viarnuć jaho na miesca.
Pierad pryjezdam Kiery kala pasolstva, adnak, demanstravali «žančyny ŭ biełym» — žonki kubinskich palitviaźniaŭ i hramadskija aktyvistki. Jany pratestavali suprać prymireńnia z režymam Kastra, jaki praciahvaje zastavacca dyktatarskim.
Ciapier čytajuć
Bietanavać hrošy — nacyjanalnaja ideja biełarusaŭ? Paraŭnali tempy budaŭnictva ŭ Biełarusi, Polščy, Litvie i Łatvii1
Kamientary